【品牌私心推】Mark Gonzales

【品牌私心推】Mark Gonzales

大家第一眼見到呢個圖案會覺得係咩呢,陀螺?四葉草?親切嘅手指公?識飛嘅香蕉?

實不相瞞,其實佢係天使,由Mark Gonzales創作嘅天使。

 

由滑板元老至品牌創始人

Mark Gonzales ,由13歲開始遊走於美國街頭滑板界,作為創造當代街頭滑板玩法嘅元老玩家之一,被尊稱為The Gonz。

▲ 1986年,Gonzales於美國舊金山一個滑板場Embarcadero完成咗一記歷史性的超遠豚跳(ollie),從此嗰個場地被以佢命名,封為「Gonz Gap」。Embarcadero亦成為板仔們嘅交流天堂。

 

▲ 2006年獲國際滑板雜誌Transworld Skateboarding 評為「歷來最具影響力的滑板手」,可見Gonzales喺滑板界有相當嘅地位。

Gonzales先於2002年創立滑板品牌krooked skateboards,其後再創立咗極具個人風格嘅同名服裝品牌Mark Gonzales。

 

特色塗鴉 惹人眼球

Mark Gonzales的風格就好似佢本人咁,隨性不羈,運用簡單線條、鮮明色彩,去拼湊出充滿街頭風格嘅塗鴉。

▲其中最具標誌性嘅係左上 天使塗鴉,天使塗鴉表情多樣,常用於logo 同大pattern 嘅設計。

▲有時塗鴉中亦會惡搞其他品牌,重新演釋成自己嘅風格。

易於配搭的日版風格

小編第一次入手就係日版Mark Gonzales,簡筆圖案搞笑得嚟又可愛,不論男女都輕鬆carry~


▲ 大部分衛衣Hoodie都係抓毛內襯,入手同事表示就算呢幾日寒流襲港,個位數嘅溫度照着都暖笠笠,愛靚都可以愛命!

▲ 喺zozotown上面搵返Mark Gonzales 就會彈出好多唔同類型選擇,只要揀返「セール価格」就可以見到做緊特價嘅唔同款式~

▲ 日版Mark Gonzales 無論tee定hoodie,顏色選擇都比較多,而且都係易襯嘅顏色,唔使驚周圍撞衫揀唔落手!

▲ 簡單純色加天使仔logo,衣櫃入面總需要幾件呢種百搭款式。

 

除咗上衣,Mark Gonzales都有推出唔同配飾,成套襯晒無難度!


▲帽款種類唔算多,但基本日系色系都齊全。

▲日版袋款比較少使用塗鴉設計,可能都係希望配件能更容易與其他衣品配搭~

大膽鮮明的韓版穿搭

韓版款式明顯比日版使用咗更多對比,令整體穿搭都更有個人特色,輕鬆襯出休閒街頭風。


▲ 小編私心偏好韓版款式,顏色比較鮮明,質量都好有保證!

▲ 不過着開普遍size嘅朋友仔就要留意多少少,韓版喺女裝系列比較少出品,所以不妨睇埋男裝嗰邊,近年都有不少女仔入手男裝款式當oversize着~


▲ 日版Tee相對會實惠啲,但韓版嘅設計塗鴉實在非常出色!兩面都難離難捨想抱緊些!

 

日後就算玩「開心返埋嚟」俾人問起街頭滑板品牌,當大家仲數緊 Thrasher同 Vans嘅時候,你輕輕拋出一句Mark Gonzales,最型仲唔係你!

日本zozotown – Mark Gonzales 品牌分區
https://zozo.jp/brand/markgonzales/

日本zozotown 代購落單
https://www.gtm.hk/shop/zzt/

韓國Mark Gonzales 官網
https://markgonzales.co.kr/

韓國代購落單
https://www.gtm.hk/shop/mxk/

Start typing and press Enter to search

購物車

購物車內無任何商品