【開箱】I’M FINE 一次性菲林相機

【開箱】I’M FINE 一次性菲林相機

最近唔少年輕人都興起咗玩菲林相機,想留住美麗光影,
可能係因為而家香港嘅氛圍實在令人喘不過氣,好想重拾昔日嘅感覺啦……
雖然現代想影張相 只需要喺手機㩒個掣就做到,但若果突然興起 想捉緊懷舊復古嘅味道呢?

菲林初心者 買部玩下YEAH (σ゚∀゚)σ

d(d'∀')先拆開咗包裝,一次性菲林相機其實並唔複雜,機身上嘅按鈕唔多。
首先機身正面會有鏡頭、閃光燈同閃光燈掣。相機本身已包含電池,所以一拆就可以開始用!

機身背面有取景框 同過片滾輪。

機頂有閃光燈提示燈(紅燈)、顯示尚餘菲林格數嘅數字格 同快門掣~
小編呢部可能係瑕疵品(´;ω;`) 個數字格每次轉動都會轉多過一張,但最後好彩只係上面個數字格壞咗,雖然要自己數住張數,但有影齊27張 (✿゚▽゚)ノ

如果想使用閃光燈,需要撳住機身前嘅閃光燈掣等待大約八秒,當機頂嘅紅燈慢慢著起 代表閃光燈已經充電完成,就可以鬆開粒掣,
鬆掣後紅燈熄滅係正常情況 但閃光燈已經充好電可以影~

取出相機後需要先過片,即係轉機身後嗰粒滾輪,當轉到唔可以再轉 就代表過片完成,準備好可以開始影。
每次影完一張後都需要做呢個過片動作,先唔會重疊咗去上一張菲林相度!

▲ 同事建議可以養成每次要影嘅時候 先過片後影相嘅習慣,就唔驚放喺袋時唔小心㩒到快門而晒左一張!

實拍圖大實測 戶外率先睇

開箱後緊係要率先親身試一試影出嚟嘅效果!


▲ 實試當日天氣間中多雲,喺冇開閃光燈嘅情況下 影出嘅相都比較深沉。但影到可愛嘅路人就當收貨啦~



▲ 原來只要陽光充足,冇閃光燈都影得好光猛好靚!



▲ 冇開閃光燈嘅日頭街巷



▲ 冇開閃光燈嘅室內


▲ 夜晚有開閃光燈居然都咁暗_(:3 睇嚟夜景並唔適合呢部機


▲ 影返日頭就成個唔同晒!



▲ 菲林機喺小編呢個新手上,影出嘅每張相都好似賭博,好與壞 直到曬相一刻都冇人知。



▲ 行山當日天陰陰 相當大霧,都有影響成品 (當然可能小編技術不濟先係主因


▲ 小編自己都幾鐘意呢張相,感覺好有「舊」嘅味道,唔知大家知唔知道係邊度呢?


▲ 無論影手機相、單反相定菲林相,影嘅時候記得要管好啲手指仔,唔好俾佢哋隨便攝鏡(›´ω`‹ )


▲ 溫馨小提示:喺餐廳內為免嚇親其他客人,最好就唔好開閃光燈啦~
但喺室內影出嚟嘅光線確實唔太夠,雖然都係另一種復古感覺,若果影之前打個燈先影 可以將大家個靚樣睇得更清(*ˇωˇ*人)


▲ 同樣係喺室內同冇開閃光燈,有埋窗邊採光嘅呢張就明顯明亮好多!


呢部機、呢啲相片,雖然講唔出咩嘢大道理,但係我影完之後覺得非常之有親切感!
我高度推介呢部機畀各位想試下新豬肉嘅新手、或者未必會長期用 覺得買部貴嘅會曬咗嘅朋友仔~

而家仲有買兩件減$10嘅優惠,買兩部一個人慢慢影又得,情侶親友一齊拎出街 嚟個菲林遊亦得,得咗!

I’M FINE 一次性相機 (27Photos) | $125
https://www.humbrand.com/products/im-fine-single-use-camera-27photos
菲林:Kodak 400 彩色負片
菲林數量: 27
感光度:ISO 400
有閃光燈 (1-3 米)
電池:1 AA 電池(已包括在相機內)

Start typing and press Enter to search

購物車

購物車內無任何商品