生活百貨, 益您情報

家居清潔篇:物品收納與管渠清潔

Tidy Home, Tidy Mind

有心理學家指出,保持家居清潔係可以緩和負面情緒同減低壓力。懶惰嘅小編就唔會經常執屋喇,不過偶爾執拾房間嘅時候,通常都會搵返好多唔見咗嘅嘢。原本凌亂不堪嘅房間變到井井有條,真係會有一種好舒暢嘅感覺㗎!

提到執屋,近年經常都會聽到人講「斷捨離」。呢個觀念係源自日本,從「斷行、捨行、離行」發展為「捨去多餘、唔需要嘅物品,脫離對物品嘅執著。」日本雜物管理諮詢師——山下英子喺2000年提出咗一套人生整理嘅觀念,透過整理物品嘅過程,去釐清自己內心真正重視同需要嘅事物,放低心理上嘅負擔,從而達到精神減壓同愉快嘅效果。

實踐「斷捨離」嘅第一步,首先係要思考係咪真正需要嗰樣物件。好多人唔敢捨離物品,原因係嗰樣物品仲可以用,掉咗好似好浪費;又或者嗰樣物品係有紀念價值同特殊意義。面對囤積已久嘅雜物,要決定「保留」定係「捨棄」,係一個非常困難嘅抉擇。

山下英子強調「斷捨離」嘅主角並非物品,而係自己。時間軸係應該思索現在,而非將來。換言之,當我哋決定要唔要捨棄物品嘅時候,應該要問自己:「依家需唔需要用?」對於具有「收藏價值」嘅物品,山下英子認為要清晰了解自己「收藏」嘅原因,只要嗰件物品係自己真正鍾意嘅話,「收藏」並無不可。

捨棄咗部分物品之後,下一步就係放置現有要保存嘅物品。最有效嘅方法就係將物件分類,放置喺唔同嘅收納箱。

不論唔同物品嘅大小,市面上好多地方都可以買到各式各樣嘅收納箱。最簡單就係正正方方嘅塑膠抽屜式收納盒,外表樸素自然,有好多格仔,易於分類。

想要特別啲嘅話,都有好多造型精緻嘅收納箱。例如我哋之前出過團嘅 Jimny迷你收納四驅車同埋Coleman 雜物收納小車,外型得意,又睇得又擺得,仲可以放置小型物品,執嘢分類嗰陣見到都開心啲啦~


Jimny 迷你收納四驅車 $109.00
https://www.gtm.hk/shop/jimny-storage-car/


Coleman 雜物收納小車 $99
https://www.gtm.hk/shop/coleman-car/

營造一個整潔嘅環境係會令人心情舒暢,但表面乾淨咗,係咪就真係等於乾淨?

除咗要處理陳年累積嘅雜物之外,好多人可能都忽略咗,其實屋企個去水管都係滿藏污垢,淤積咗好多廚餘、頭髮同其他雜物。唔定期清理一下,好容易就會造成水渠淤塞,仲會伴隨住惡臭。遇到家居渠塞問題應該點處理?以下搵咗幾個Tips俾大家

一般家居常見嘅渠塞情況:

廚房洗手盆

▲通常都係油脂同廚餘積聚導致堵塞,坊間有好多方法處理堵塞問題,最常用嘅方法就係扭開管渠底下嘅樽蓋,直接清走廚餘同油脂。

浴室去水渠


▲沖涼洗頭好易甩頭髮塞住個去水位,就算清理咗去水隔嘅表面,都會有微小嘅淤塞物流入管道。尤其頭髮同毛巾纖維都係唔容易分解,當淤塞物積聚喺U型喉管內,就有機會導致堵塞。處理渠塞嘅方法有好多,坊間都流傳倒入「梳打粉、熱水、醋」可以有助通渠,但唔係任何渠塞都適用。借助「熱水通渠」,係對於溶解油脂淤塞物比較有效嘅方法,但浴室嘅頭髮、毛巾纖維都係難以分解,所以效果就唔理想喇。

今次同大家介紹嘅係日本生活百貨十大最受歡迎嘅產品:BENLY YOU 水管分解毛髮除臭劑。顧名思義呢個產品係專解決頭鬆喺排水管積聚嘅問題,令水管回復正常嘅去水能力,消除管內污垢同惡臭,溶解水管入面嘅頭髮同灰塵,最重要係唔會傷及喉管。


BENLY YOU 水管分解毛髮除臭劑 使用方法

  1. 先清理排水口表面嘅毛髮
  2. 取出該產品一小包倒入排水口
  3. 倒入200ml 80℃ 嘅熱水
  4. 等待8小時後用清水沖洗管道即可(建議臨瞓前使用,避免8小時內有水進入)

BENLY YOU 水管分解毛髮除臭劑 實測效果


▲實測前嘅頭髮,小編會測試下BENLY YOU 水管分解毛髮除臭劑嘅分解程度。


▲上圖:使用後1個鐘|下圖:使用後8個鐘。

1個鐘後已經明顯見到容器入面嘅頭髮係分解緊嘅狀態,8個鐘後容器內嘅頭髮幾乎分解哂,用清水沖洗之後只剩餘少量嘅殘餘物。小編認為佢嘅分解效果幾好,而且好方便,成個通渠過程只需要準備一包BENLY YOU水管分解毛髮除臭劑同埋熱水就搞掂!每個包裝都有兩包粉末,可以用兩次添㗎~

随住近期疫情嚴重,確診數字不斷上升,搞到人心惶惶。大家留喺屋企嘅時候,不坊整理下啲雜物,清潔抗疫之餘,同時緩和一下負面嘅情緒。希望大家都有一個潔淨嘅家居同心靈🤍