背囊
Gerry Tarpaulin Backpack
$399.00截止訂購及入數日期 : 2024 年 4 月 30 日
到貨時間 : 約為確認訂單後的 14 – 21 天 (此為大約時間)
超實用 Gerry Tarpaulin Backpack 開團 🎒✨
外型四四方方，加上 25L 大容量設計，可以放到好多嘢 😙 配合撥水加工塗層，就算落雨都唔怕呀，特別適合戶外使用 🏕️ 中間大袋用咗雙拉鏈設計，可以大範圍咁打開，容易放嘢入去～除此之外袋面亦有唔少收納位置，背囊頂同側面都有拉鏈格，而兩邊就有水樽位，肩帶上面有 D字扣可以用嚟掛鎖匙、AirPods 等等 🔑
背脊位用咗網格軟墊，另外配合扣帶設計，可以減輕膊頭嘅負擔 😉 加上長時間孭住嘅話背脊好易出汗，網格設計就可以加強透氣性，令背脊位更乾爽，保持舒適感覺 😙
背囊本體係最百搭嘅黑色，正面配上唔同顏色嘅 Gerry 印字，特別推介山系風格嘅 Logo，配色會比較細緻豐富，好靚㗎！今團有 7 款選擇 😆
DOD x Niko And… Outdoor Series
$329.00 – $519.00截止訂購及入數日期 : 2024 年 4 月 20 日
到貨時間 : 約為 5 月下旬 (此為大約時間)
日本 Dod x Niko And…聯乘產品登場喇 🥰 今次係佢哋兩大品牌合作嘅第二彈，而且仲有得提早預訂，訂定先就唔怕冇貨啦！
今個系列入面特別推介山系 T-shirt，正面胸口就有 Dod兔仔刺繡 🐇 背面就有比較簡約嘅山系圖案，加埋 Dod x Niko And…合作款印字 Logo，日系設計又靚而且男女款式都有㗎 😙 除咗短袖 T-shirt仲有多種休閒袋可以選擇，無論旅行或者戶外活動都會啱用 👜 有興趣嘅話記得落單喇～
Aroco 10Pockets Nylon Backpack
$279.00截止訂購及入數日期 : 2024 年 4 月 18 日
到貨時間 : 約為確認訂單後的 14 – 21 天 (此為大約時間)
日本熱賣款 Aroco Nylon Backpack登場，比較少見嘅多格數女裝背囊 🎒
日系袋型設計唔會太大，孭上身都唔覺得累贅，特別適合女士使用～配合 10袋設計可以將唔同物品分類，而且可以輕鬆收納到 B5 Size嘅嘢 😌 加上採用高密度尼龍布料，會有防摩擦同輕微防水效果，無論出街、旅行或者露營都好適合嘅實用背囊 😙
今團有齊 5色可以揀，個人特別推介黑色迷彩款式，圖案配色比較低調沉實，唔會太花太誇張但又有啲細緻感 ✨ 而家 $279就可以入手喇 😊
Post General Backpack Model 788
$599.00截止訂購及入數日期 : 2024 年 4 月 30 日
到貨時間 : 約為確認訂單後的 14 – 21 天 (此為大約時間)
想搵個大容量啲嘅背囊，而家又多個選擇喇 😍 Post General Backpack Model 788 登場 🙌🏻 $599 就入手
以往 Post General 開團嘅產品都以實用為主調，今次 Model 788 背囊用咗 700D 耐用尼龍面料加埋底部嘅耐水漬防水布，就算拎嚟粗用都唔驚好快變到又爛又殘～
6 袋簡約設計令間隔一目了然，日常用品當然輕易裝得晒，亦有軟墊位專放電腦，平時返工用一樣得 🎒 30L 容量就算女仔孭上身都唔會太大個，側邊位亦有專用扣位扣返之前開過團嘅環保袋，一 set 咁用就夠晒得心應手啦 😙
2 色選擇，Logo 只印咗喺手抽位，想換新背囊又咁啱係無 Logo 實用派嘅你今次就啱晒啦～
The Craft Crew Products Multi Function Backpack
$349.00截止訂購及入數日期 : 2024 年 4 月 8 日
到貨時間 : 約為確認訂單後的 14 – 21 天 (此為大約時間)
最近日本 The Craft Crew Products出咗背囊呀 🎒 作為人氣高企嘅時裝品牌，佢哋嘅產品價錢合理又高質，今次呢款戶外背囊真係值得推介呀 😙
大袋位置有雙拉鏈設計方便開閂，袋面中間仲有拉鏈可以打開，右邊更加配有登山扣，兩側都有細袋可以放到水樽/ 縮骨遮 ☔️ 質地方面用咗 100% Polyester布料，耐磨耐用又有撥水加工，而且帶有自然霧光質感，突出中性低調嘅風格 😌 同時配合大容量內籠可以輕鬆放入 A4 Size嘅物品，特別適合返工、旅行、戶外活動時使用 😉
Black/ Light Grey/ Charcoal 3色可以選擇，加上 TCCP迷你繡章，簡約得嚟又有品牌嘅細節位，有興趣就落單啦 😊
Ector Gather Backpack
$849.00截止訂購及入數日期 : 2024 年 3 月 20 日
到貨時間 : 約為 5 月下旬 (此為大約時間)
日本 Freak’s Store同 Casselini合作推出嘅最新品牌「Ector」，產品保留兩個品牌嘅特色，同時融合出新嘅潮流風格 😙
今次就有 Gather Backpack 🎒背囊嘅唔同位置都有索繩可以調整褶邊，袋側更有 Ector原創繡章增加辨識度，而且加上日系配色設計，令成個背囊更有層次感 ✨ 大容量內籠可以輕鬆放到 A4 Size嘅物品，平時出街或者旅行都啱用㗎～
Black/ Camel/ Blue 3色可以揀 🤗 大約 5月尾到貨
Gregory Day Pack
$899.00 – $1,299.00截止訂購及入數日期 : 2024 年 3 月 8 日
到貨時間 : 約為確認訂單後的14-21天 (此為大約時間)
Gregory Day Pack 26L 終於返嚟喇 😃
26L 容量夠晒大，款式就係最經典嘅設計，無論質地同間隔都接近最完美 🙊 最常用就算去旅行都好適合㗎
平時減價都要 $13xx 🤩 26L Day Pack 一定係最受歡迎嘅 Size，香港專門店賣緊 $1780，男女都啱用～今團有 5 款可以揀
選擇顏色後會顯示圖片和價錢
Kriff Mayer Patch Daypack With Mini Pouch
$549.00截止訂購及入數日期 : 2024 年 4 月 16 日
到貨時間 :約為確認訂單後的 14 – 21 天 (此為大約時間)
Kriff Mayer 係一個結合美式同日系元素嘅戶外服裝品牌 🏕️ 產品風格簡約實用，近呢幾年受到日本年輕人嘅關注同喜愛 😍
上次我哋出過佢哋嘅女裝登山裙，今次就有休閒戶外背囊 🎒 袋面有「豬鼻」同埋繡章，造型方面幾靚又時尚 🐽 選用尼龍帆布製造，質地耐用同時具備撥水功能 💦 兩邊有水樽位，中間大袋位置可以收納 B4 Size 嘅物品，配合多格數設計，可以將唔同嘅物品分類 💁🏻♂️ 另外附帶 Mini Pouch，可以掛喺背囊上面～加上柔軟背墊同扣帶設計，可以減輕膊頭嘅負擔，長時間孭住都唔會腰酸背痛 😉
今團有齊 4 色，容量足夠應付日常需要，適合平時出街或者旅行用～而且袋型唔會太大，男女都啱用㗎 😙