品牌推薦, 生活百貨, 益您情報

【品牌私心推】識得呼吸嘅珪藻土 – Soil

適逢春天,又到咗極潮濕嘅季節。

地板長期濕漉漉好易跣親,鞋櫃衣櫃又因潮濕問題而搞到發霉發臭,甚至連調味料樽裡面嘅糖同鹽都濕到黐埋一塊⋯⋯用抽濕機都抽咗成桶水出嚟咁誇張,仲要抽極都仲係咁潮濕,真係令人好煩惱呀!依家市面上都有好多防潮用品俾大家選擇,一般人較為熟悉嘅都係防潮珠或者吸濕大笨象(除濕劑),唔知大家有冇用過珪藻土呢?

Soil:識得呼吸嘅珪藻土

珪藻土係一種天然嘅沉積岩,由海洋湖泊中棲息嘅植物性浮遊生物堆積而形成地層。珪藻土內部有好多個細小嘅洞,所以具有良好嘅吸水性,並且有除臭同調節濕度嘅功效。珪藻土近幾年開始廣泛使用,全球都有好多個生產珪藻土嘅品牌,今次想私心推介嘅品牌就係Soil

Soil被譽為全日本品質最好嘅品牌,喺日本市面上亦係最常見到,無論去到任何一間雜貨店舖,都會見到呢個品牌嘅產品佈滿四周。Soil旗下嘅產品更被稱為「會呼吸的珪藻土」,因為佢嘅質地輕軟,具有極強嘅吸水性,可以淨化空氣、抗菌除臭同調節濕度。最重要係無毒無味,就算係皮膚比較敏感嘅人士都適合使用。

佢哋嘅品質保證係來自於出色嘅選材同技術。選材方面,Soil淨係會採用日本秋田縣和石川縣嘅頂級珪藻土,色澤同品質具有保證。技術方面,Soil利用左官技術(泥工)同珪藻土材料製成方便日常生活的產品。「左官」一詞歷史悠久,係指用鏝板為牆壁塗上泥土或水泥嘅職人技術。呢種技術由安土桃山時代開始發展,將塗抹土牆或灰泥等工序正式化,直至江戶時代,將具歷史和傳統嘅技術培養,承傳至今。

Soil獨特之處就係將具優秀保濕性和吸水性嘅珪藻土,凝縮成一件方便使用嘅環保設計品。除咗採用高質嘅原材料同技術之外,Soil喺設計上都花咗心思,同日本東京設計公司H-Concept團隊聯手合作,簡約嘅日本設計風格令Soil成為最廣泛使用嘅珪藻土品牌。Soil嘅產品都係用返珪藻土原有嘅自然色澤,唔同產地會有唔同顏色,最常見嘅係白色、黑色、粉紅、綠色。

** 白色:秋田縣
     黑色:秋田縣+木炭素系顏料
     粉紅色: 石川縣
     綠色: 秋田縣+石川縣淺黃土

Soil嘅產品真係多到數唔晒——家居篇

Soil嘅產品真係多到數唔晒㗎!無論喺客廳、廁所定廚房都總有適用嘅產品,以下就為大家盤點有咩Soil嘅產品值得推薦。

首先由最大路嘅家居用品開始講起啦,喺屋企幾乎日日都要用紙巾,直頭係生活嘅必需品。Soil都有推出珪藻土嘅紙巾盒㗎!四四方方嘅外表,簡約嘅設計,就咁放喺屋企都有種清新、簡撲嘅感覺。仲有齊四隻顏色(白、黑、粉紅、綠)俾大家選擇。市面上有好多絨毛製嘅紙巾套,又易鋪塵又易污糟又唔防水。相反,Soil嘅珪藻土紙巾盒吸水又防潮,令入面嘅紙巾無時無刻保持乾爽。


Soil Tissue Box $2310
https://www.gtm.hk/shop/soil-living-goods-2/

鞋櫃同衣櫃好易因為潮濕而搞到發霉發臭,自己心愛嘅衫褲鞋襪隨時一齊遭映。Soil就推出咗一樣好得意嘅產品,就係Soil Japan Freshen 珪藻土除臭人仔。淨係望到佢個造型已經覺得夠哂別緻,呢粒「人仔」仲有唔同嘅表情,有啲就微笑,有啲就O嘴,有啲就笑到西瓜咁⋯⋯當係櫃入面嘅小擺設,拉開睇到都會覺得開心啲啦。


Soil Japan Freshen 隨機表情 (1pc) $77
https://www.gtm.hk/shop/soil-living-goods/

Soil Freshen for Trash can 同樣係一件家居恩物,屋企垃圾桶傳出陣陣惡臭真係搞唔掂呀!只要將呢件產品黐喺垃圾桶內部,就可以達到除臭效果,簡單又好用。形狀分別有圓形同正方形,呢個設計都好有心思,襯返一般屋企常見嘅垃圾桶形狀。


Soil Japan Freshen circle/square $101
https://www.gtm.hk/shop/soil-living-goods/

呢兩年因為疫情嘅緣故,每日出街都要戴口罩。Soil當然都緊貼大家嘅生活,貼心地推出咗mask case。方便出街食嘢嘅時候都可以好好保存口罩,減少細菌滋生。


Soil mask case $231
https://www.gtm.hk/shop/soil-living-goods/

 

Soil嘅產品真係多到數唔晒——廚房篇

喺廚房煮餸洗碗經常都會遇到好多麻煩事,例如洗碗洗碟滴水滴到周圍都係、啲刀刀叉叉冇位放亂咁擺、啲調味料濕到黐埋咗一嚿嚿⋯⋯Soil設計咗唔少珪藻土產品,幫助大家解決廚房嘅煩惱。

要有好嘅刀功,就要有一把好嘅刀。廚房刀可以話係廚師嘅左右手,屋企人都會重視廚房把刀嘅質素,萬一保養得唔好,搞到崩咗或者生咗銹,都要嘥幾百蚊換過個㗎!而 Soil knife tray 就係一件值得選購嘅用品,knife tray上面有兩條坑位,可以放置兩把刀。佢嘅吸水力強,唔會令到把刀濕漉漉,所以都保存得好啲,冇咁容易生銹。


Soil knife tray $347
https://www.gtm.hk/shop/soil-kitchen-goods/

頭先都介紹過,珪藻土係一種無毒無味嘅天然物質,所以就算用喺食物方面都完全冇問題,絕對唔會中毒。Soil都有推出一啲產品用嚟保存食物,例如 Soil Food Container ,就係一個用珪藻土製成嘅容器,可以存放一啲乾身嘅食物。


Soil Food Container $308-501
https://www.gtm.hk/shop/soil-kitchen-goods/

另一款產品就係 Soil Drying Block ,外表好似一排朱古力咁,使用方法就係將佢哋啪開一粒粒,分別放喺唔同嘅調味料樽入面,可以達到防潮效果,咁啲調味料就唔會再黐埋一嚿嚿㗎喇。


Soil Drying Block $77-93
https://www.gtm.hk/shop/soil-kitchen-goods/

Soil嘅產品真係多到數唔晒——浴室篇

講完廚房又點可以冇浴室呢?以下呢件產品亦都係Soil最受歡迎嘅產品之一,真係好多人都會買㗎!

擺放喺浴室門口嘅地氈幾乎每一日沖完涼都會踩上去,用普通嘅棉質嘅地氈吸水能力都冇咁好,而且好易污糟,間唔中就要洗一次。而 Soil Bath Mat 珪藻土浴室腳踏墊 會咁出名嘅原因,就係因為佢有強勁嘅吸水力,只要喺上面踩幾下就會完全乾透,連腳印都唔會留低。除咗令自己對腳乾爽之餘,又唔會整濕地下。買過 Soil Bath Mat 嘅用家都表示:「用過一次真係返唔到轉頭㗎!」除咗基本嘅白、黑、粉紅、綠色之外,Soil Bath Mat 比起其他產品仲多咗好多顏色選擇,例如有紅色、深藍、灰色等等。Size要大有大,要細有細,滿足到唔同人嘅需求。


Soil Bath Mat $247-1155
https://www.gtm.hk/shop/soil-bath-mat-and-cover/

而另外一件想介紹嘅浴室產品就係 Soil Toothbrush Stand,係一個珪藻土嘅牙刷筒。通常刷完牙,都唔會刻意抹乾支牙刷,好多時都仲係濕漉漉咁放喺到。其實咁樣支牙刷會好快有霉菌同有漬㗎⋯⋯ 話哂都係要放入口嘅用品,應該要妥善咁安放好,保持乾淨。而 Soil Toothbrush Stand 就係一個好方便嘅工具,俾你就咁放支牙刷喺度,都會幫你吸乾啲水,又可以抗菌。咁樣就算幾懶都好,支牙刷起碼都乾淨啲啦。


▲ 除咗標準size之外,仲有 Soil Toothbrush Stand mini㗎!
Soil Toothbrush Stand $108-385
https://www.gtm.hk/shop/soil-bathroom-goods/

 

Soil嘅產品真係多到數唔晒——女生必備篇

真係估唔到Soil呢個品牌可以有咁多用途,相信你同我都冇諗過,就連女士嘅化妝用品都會有Soil嘅產品。就好似 Soil accessory tray咁,可以用嚟擺放耳環同首飾。不過淨係用嚟擺放首飾嘅話,又好似唔係咁必需。反而小編會想推薦 Soil Puff Tray多啲,佢係專門設計用嚟擺放化妝綿同粉撲。有化妝嘅女士都知道呢兩樣嘢真係唔可以亂咁擺,要無時無刻保持乾爽,所以Soil女生必備用品系列,我會推薦Puff Tray俾大家。


Soil Puff Tray 139-178
https://www.gtm.hk/shop/soil-girls/

品牌的魅力 在於對生活上的細心

Soil係一個具有創意同貼近大眾生活嘅品牌,以上介紹好多嘅產品都好細微,可能係一個紙巾盒、一個牙刷筒、甚至乎係黐喺垃圾桶上嘅產品⋯⋯但你會發現Soil嘅設計真係好細心,所做嘅產品都係照顧大眾日常生活嘅需要,就連一啲好瑣碎嘅生活細節,佢哋都有心思細密咁考慮過,所以先會推出到咁多唔同類型嘅珪藻土產品。唔知呢個品牌嘅細心同貼心又有冇吸引到你哋呢?