【品牌私心推】見字飲水:THERMOS保溫杯

【品牌私心推】見字飲水:THERMOS保溫杯

香港人生活忙碌又成日頻頻撲撲,有時真係連飲啖水嘅時間都冇。「見字飲水」都成為咗香港近年最新嘅潮語,源於一位網民喺FACEBOOK開咗個「見字飲水協會」嘅專頁,製作大量meme圖嚟提醒大家補充水分,就咁樣成為咗一句好hit嘅潮語。

講到飲水,又點少得一隻杯呢?

今次要同大家介紹嘅品牌就係THERMOS。THERMOS係一個保溫容器嘅品牌,至今已經超過百年歷史。「THERMOS」源自於希臘文,意思解作「熱」。呢個品牌最初係由三位德國人成立,佢地喺1904年製造咗第一個玻璃內膽嘅真空保溫瓶,成為咗全球第一間將真空保溫瓶商品化嘅公司,為世界工業史打開咗新一頁。今時今日,呢個品牌已經行銷全球超過120個國家,喺香港都有好幾間THERMOS專門店添㗎!

THERMOS三大特點:最輕便嘅保溫容器

好多人對保溫容器嘅印象都係又重又大嚿,有時想帶個保溫杯出街都會嫌重或者怕麻煩而廢事帶,但THERMOS保溫杯就以超薄同超輕嘅設計登上市場,一個500ml嘅真空保溫杯都只係重210g,絕對係輕身又方便,適合隨身攜帶。除此之外,THERMOS採用雷射焊接技術,令到保溫杯嘅厚度大幅縮減到0.07-0.08mm,同時又能夠保持良好嘅保溫效果。

THERMOS三大特點:用得又睇得


▲ THERMOS所推出嘅顏色都係簡潔而有光澤感,好似Cream White、Powder Blue 同 Light Pink咁,俾人一種好舒適嘅感覺。


▲ THERMOS亦多次聯合唔同嘅公司同埋插畫家,推出過各種外觀精美嘅保溫產品,例如曾經同過LINE FRIENDS、Disney、miffy、阿婆與大麻成(蘇泳康)等合作。THERMOS聯乘推出嘅保溫產品外觀精美又實用,吸引咗更多年輕人嘅鍾意。


▲ 上個月嘅東京奧運真係令人睇到熱血沸騰,THERMOS都有推出東京奧運版嘅保溫杯,印有奧運Logo同埋「Tokyo 2020」嘅字句。

THERMOS三大特點:保溫效力最高長達6個鐘

有時朝早想飲杯熱咖啡,轉個頭就已經攤凍哂。又或者喺雪櫃拎完一罐冰凍嘅汽水出嚟,想慢慢飲但係擺低一陣就已經變返常溫。

保溫容器最令人關注嘅緊係保溫效果啦!THERMOS嘅產品無論保暖定保冷都一樣有良好嘅效果,亦都就住唔同人嘅需要推出相應嘅產品。例如Thermos 350ml 真空保溫杯可以令飲品維持喺67°C以上或8°C以下,擺1個鐘係完全冇問題㗎!啱哂喺公司做嘢或者喺屋企飲嘢嘅時候用。至於出街用嘅水樽,就非常推薦Thermos 500ml 真空保溫瓶。可以令杯內嘅液體維持喺大約68°C以上足足6個鐘,而保冷方面就維持喺大約10°C以下,效力同樣都係長達6個鐘。


開箱實測:Thermos 350ml 真空保溫杯

官方資訊就介紹完,點可以齋講唔實測呢?我哋搵咗兩隻Thermos 350ml 真空保溫杯,其中一隻用嚟測試熱水,另一隻就測試凍水,睇下保溫效果係咪同官方介紹講嘅一樣啦。


圖中為Thermos 350ml 真空保溫杯嘅黑色款(左)同白色款(右)


杯蓋上有「THERMOS」嘅立體字樣。

外觀方面,實物就同官方描述嘅一樣簡潔得嚟又有美感,黑色沉實低調,白色清新自然。杯身係平滑嘅磨沙面,拎上手質感舒服,而且非常輕身,一啲都唔重㗎!

保溫測試


小編將煲滾咗嘅熱水倒入黑色嘅真空保溫杯,起始溫度大約84°C,然後開始計時60分鐘,睇下一個鐘後杯內嘅熱水溫度係幾多。


一個鐘後,真空保溫杯內嘅熱水係66.8°C。

官方介紹Thermos 350ml 真空保溫杯嘅保溫效力係維持67°C以上長達一小時,我哋嘅實測結果都顯示咗差唔多維持喺呢個溫度,證明保溫效果都係唔錯嘅。不過,一開始杯熱水有84°C,一個鐘之後,其實同起始溫度都相差咗17°C左右㗎~

保冷測試


小編用同樣嘅方法進行保冷測試,將凍水倒入白色嘅真空保溫杯。起始溫度係2.7°C,然後開始計時60分鐘,睇下一個鐘後杯內嘅凍水溫度係幾多。


一個鐘後,真空保溫杯內嘅凍水係3.2°C。

官方介紹Thermos 350ml 真空保溫杯嘅保冷效力係維持8°C以下長達一小時,而我哋嘅測試效果都非常理想,完美達到保冷標準。相較之下,Thermos 350ml 真空保溫杯嘅保冷效力反而更加出色!過咗一個鐘之後,凍水溫度仍然喺3.2°C,同起始溫度只係相差0.5°C咋!估計就算擺多一兩個鐘都冇問題。

 


見字飲水!見字飲水!見字飲水!

「見字飲水」除咗字面意思叫你飲多啲水之外,慢慢都衍生出關心對方嘅意思。有人話香港係一個壓抑嘅城市,香港打工仔工作壓力大唔多講,面對呢個社會好多事情,我哋都感到無能為力嘅時候,就唯有「見字飲水」,提醒大家活在當下,好好保重呀!

(寫完呢篇文章,小編都要拎起隻THERMOS杯提自己飲多啲水喇!)


▲Thermos 350ml 真空保溫杯 (連蓋) $139-1$79
Color/Type: Original, Black, White, MIFFY, MICKEY, MINNIE
https://www.gtm.hk/shop/thermos-350ml/


 

  
▲Thermos 500ml 真空保溫瓶 $199-$219
Color: Cream White, Light Pink, Metallic Red, Pearl Black, Powder Blue

https://www.gtm.hk/shop/thermos-500ml/



▲Thermos Stainless Steel Cup $99-$119
https://www.gtm.hk/shop/thermos-stainless-steel-cup/


 

 
▲ Thermos 真空斷熱保溫杯 (東京奧運版) $249
https://www.gtm.hk/shop/thermos-tokyo2020/



除咗保溫杯之外,THERMOS仲出過一隻自家製雪糕杯,喺屋企自己整雪糕夠哂過癮。
Thermos Ice Cream Maker $169
https://www.gtm.hk/shop/thermos-ice-cream/

Start typing and press Enter to search

購物車

購物車內無任何商品