我都知大家如果第一次用網上代購呢個服務會有好多疑問

所以我地都特別揀左d最熱門嘅問題喺呢度解答大家

當然, 如果以下嘅熱門問題都唔係你想問嘅問題, 歡迎email黎gethemall.info@gmail.com

我地會24小時內覆番你架!!!

點樣落單架?
買左喺邊度交收?
入左錢通常幾時先有貨架?
如果想改size應該點做呀?
我唔得閒黎拎, 可唔可以寄去我屋企呀?
買左番屋企先知件貨有問題, 有冇得換?
買左番屋企先知件貨唔啱心水, 有冇得換?
點解咁耐都未收到訂貨確定通知?
係唔係由截單日期起, 3星期之內一定可以取貨?

Q:點樣落單架?

A:只要去到我地嘅facebook專頁或者網頁入面嘅是日團購。

選擇你想購買嘅團,入到去填Form就可以。

填完之後,你好快會收到報價。

如果想知道更詳細嘅程序可以去我地團購教學嘅專頁。

我地之後仲會整條片Step by Step教你地點落單。

Q:買左喺邊度交收?

A:我地交收地點係旺角花園街75-77號花園商業大廈9樓905室

時間係

逢星期二,四,五 4:30 pm - 9:00 pm

逢星期六,日 2:00 pm - 8:00 pm

Q:入左錢通常幾時先有貨架?

A:基本上收到訂貨確定通知後3星期。

不過由於運送速度有快有慢, 所以請耐心等候, 我地一定會盡力將你等候時間縮到最短。

Q:如果想改size應該點做呀?

A:如果你未入數的話,請再落一次單。

 如果已經入左數,請在email回覆我地啦。

Q:我唔得閒黎拎, 可唔可以寄去我屋企呀?

A:絕對冇問題,只要喺張Form上面選擇郵寄同埋寫上地址就可以。

 我地會按貨品大小收取返郵寄費用,如果要掛號會再另外加錢。

Q:買左番屋企先知件貨有問題, 有冇得換?

A:如果係因為貨品供應商出錯,我地可以幫你寄返去換或退錢,不過郵寄費用要由買家支付。

如果係因為我地公司人為出錯,我地會幫你寄返去換或退錢,而所有費用都會由我地負責。

我們收到新貨或退款後會盡快聯絡買家。

所需時間大約要一個月。

Q:買左番屋企先知件貨唔啱心水, 有冇得換?

A:由於呢種情況唔係因為貨品供應商或者我地公司出錯,所以買家除左要付郵費之外,仲要額外支付$100手續費。

我們收到新貨或退款後會盡快聯絡買家。

所需時間大約要一個月。

Q:點解咁耐都未收到訂貨確定通知?

A:我地唔同一般團購網,我地認為收到店舖確認寄出貨品通知先算成功訂購。

所以我地會喺收到店舖確認寄出貨品之後先向你地寄出訂購確定email,所需時間比較長少少。

Q:係唔係由截單日期起, 3星期之內一定可以取貨?

A:一般黎講, 3星期應該係到貨, 但都要視乎賣家出貨的時間

根據我地經驗, 如果貨品缺貨或者賣家Hold起訂單, 都會令出貨時間延長