【開箱】SKLZ 可掛門籃球架

【開箱】SKLZ 可掛門籃球架

教練……我想打籃球!試問WFH底下有邊個唔想做運動,但奈何啲籃球架封死晒,想同打場3 on 3都難。

但天無絕人之路!今日為大家介紹 SKLZ 可掛門籃球架,希望可以為在家苦悶嘅各位 帶來一絲活潑嘅𥌓光!

 

安裝簡單 居家必備!

一打開盒先係見到整整齊齊三份嘢,籃球套裝內包括一個需要安裝嘅籃球架同籃板,一小包安裝所需的工具同零件,仲有一個單手size嘅膠皮籃球。

▲ 跟據說明書嘅指示組裝,大約15分鐘就搞掂。

▲ 但係泵漲籃球嘅充氣泵就需要自備,我哋用咗普遍嘅手動充氣波泵,好快就泵好啦~

▲ 掛勾夠哂粗同深,而且因為闊度同大部分門嘅厚度相若,可以扣得好實淨,唔會入幾次籃就掟歪或者整跌,非常穩陣,唔怕!

而且安裝好方便,只需要掛喺門上就可以開波。

 

新手上路 得心應手

▲呢個籃球架喺我哋辦公室已經玩咗一兩年,但仍然係好穩陣同好新淨。

▲ 雖然籃球係膠皮製成,但勝在夠輕身、夠彈,就算唔玩入樽,同屋企人甚至自己玩交接都得心應手。

而且唔係黐塵黐手嘅質地,容易清洗,玩落都有滿足感!

但要注意安裝咗架嘅門會無法完全關閉,另外最好將門泊近牆咁玩,咁就唔會搞到道門郁來郁去,可以低調地玩波。

參加過籃球隊同完全冇運動細胞嘅同事都有玩過,

前籃球隊同事表示好開心終於可以克服先天缺陷,輕鬆灌籃。

冇運動細胞嘅同事亦表示籃球輕輕一托好容易射籃,成功感UP!

路人同事表示不幸食波餅,但輕柔過俾同事啲一指禪攻擊,完全冇事。

 

 

寂寞就如自己一個打……籃球?

SKLZ 可掛門籃球架 令我地同事明白到,自己賣弄球技都可以和你寫進日記,

有波波嘅陪伴,其實stay home 又咩可怕喎!

Start typing and press Enter to search

購物車

購物車內無任何商品