第一階段管制即棄膠塑膠喺4月22號實施，雖然有6個月過渡期，但好多間餐廳食肆嘅外賣已經唔再提供膠製餐具，改為紙製或木製餐具(๑´ㅂ`๑) 雖則大家日常中已經經歷緊，但都全面咁認識一次到底有邊啲係唔畀再用先！
睇清齊「走塑」
9類即棄塑膠餐具
大眾最受影響一定係餐具，有成九類即棄膠餐具都納入管制：
所有發泡膠餐具、膠飲管、膠攪拌棒、塑膠進食用具（膠叉、膠刀、膠匙）、膠碟、膠杯、膠杯蓋、塑膠食物容器（如膠碗和膠盒）、塑膠食物容器蓋
其中杯、杯蓋、食物容器（例如碗和盒）及食物容器蓋係暫時仍可以喺外賣中使用的，所以壽司都可以唔使變盲盒住嘅(⁰▿⁰)
另外暫定為2025年會實施第二階段，全面落實所有即棄塑膠餐具管制。小編就整理咗有關餐具嘅規管！
其他即棄塑膠產品
除咗餐具之外，一啲其他即棄塑膠產品都受到管制。塑膠棉花棒、熒光棒、雨傘袋等都已禁止銷售同免費供應。酒店禁止免費供應即棄洗漱梳妝用品 以及即棄膠樽裝水。
一樣用得開心 環保餐具替代推薦
今時今日嘅香港人最識變通，喺壓迫嘅狹縫中都一定可以用得開心、食得安樂(ง๑ •̀_•́)ง咁就要留意有咩替代品，有啲仲可以比以前即棄餐具用得更高質更方便！
膠飲管、膠攪拌棒 ➤ 非即棄飲管
普羅大眾包括小編在內，最頂唔順嘅部分一定係紙飲管，超嫌棄遇水就腍滋滋嘅質感(ﾒ ﾟ皿ﾟ)ﾒ 所以帶備可重用飲管嘅真係好重要！
▲ 呢款矽膠吸管可以卷到AirPods咁細個，用前用後都超慳位，環保都唔一定係好有負擔～
Hashy Japan Pocket Silicon Straw｜$49
購買連結：https://www.gtm.hk/shop/hashy-pocket-silicon-straw/
▲ 鍾意硬身啲嘅質地可以揀高桑金屬飲管，鋁製材質比較輕身，方便攜帶。而且日本製造品質有保證，飲得更安心！
日本高桑金屬鋁製環保飲管｜$79
購買連結：https://www.gtm.hk/shop/takakuwa-straw/
發泡膠、塑膠餐具 ➤ 可重用餐具
唔想割塊扒都要換兩次餐具，不如下定決心精選用得順手嘅食飯架生( ～’ω’)～
▲ 由咖啡渣再生混合物料製成，唔似平時啲環保餐具咁縮細咗，食飯時用都好揸啲。一套有齊餐具盒，筷子，匙羹同餐叉，最緊要係價格實惠！
日本 #sustainable 再生餐具套裝｜$49
購買連結：https://www.gtm.hk/shop/sustainable-cutlery-set/
▲ 想更齊全可以睇下由越南農家親手製作嘅環保️餐具，一套七件有齊筷子、匙羹、餐叉、餐刀、飲管、清潔棒、同埋收納袋。物料採用100% 有機竹木，餐具表面添加橄欖油塗層，特別耐用有質感，平時可以將餐具放入收納袋，有需要就可以捲起帶埋出街
Mana. Bamboo Cutlery Set｜$115
購買連結：https://www.gtm.hk/shop/mana-cutlery-set/
▲ 日本露營品牌CHUMS 推出嘅三件裝，一套有齊匙羹、刀、叉同埋收納袋，每件都係不銹鋼材質製作，唔容易吸收食物味道之餘易於清潔，耐用程度亦勝過普通塑膠同金屬㗎！日本製造而且造型可愛～
CHUMS Booby Cutlery Set｜$199
購買連結：https://www.gtm.hk/shop/chums-booby-cutlery-set/
膠杯、膠杯蓋 ➤ 自備杯具
雖然現時大部分飲品都係以紙杯盛載，暫時都未出現咩不便嘅問題，但私伙杯可以保存起當刻未飲得晒嘅嘢飲，增加另一種方便(<ゝω・)☆
▲ 擋過子彈又捱過火災！號稱水樽界Nokia 嘅1.2L 大容量STANLEY 水樽，不論係買廢水定日常飲水都綽綽有餘，連埋飲管同埋有舒適手柄，具備一定控溫功能之餘外型簡潔好睇！
STANLEY Quencher H2.0 Flowstate Tumbler｜$429
購買連結：https://www.gtm.hk/shop/stanley-quencher-flowstate-tumbler/
▲ 呢款澳洲品牌出名密封唔漏，飲唔晒就蓋埋放入袋先超方便，附送粗飲管簡直係為啲珍珠小芋圓而設！有兩個尺寸選擇，700mL 仲可以買埋大杯裝廢水(づ′▽`)づ 小編自己都私心入手，暫時用落除咗重過膠樽小小之外都幾好用，質感超好！
CUPPÉ Reusable Bubble Tea Tumbler BBT Cup Set｜$240 – $270
購買連結：https://www.gtm.hk/shop/cuppe-reusable-tumbler-cup-set/
膠碟、膠碗、膠盒、膠蓋 ➤ 食物盒、食物包
依家餐廳多數以紙盒紙兜做替代，但紙盒紙兜始終比較薄，好容易整到外層油淋淋，尤其有時裝湯湯水水嘅嘢就更加唔放心(●▼●;) 依家好多店舖其實都歡迎自備餐盒，買個便利買個乾淨！
▲ 專為外賣設計嘅Lasty 食物包，開口夠大同時防漏，買早午晚餐都無問題，外賣返屋企後可以直接放入微波爐叮，唔使另外轉碗。唔用嘅時候可以用提帶綁起，小編實測好多鋪頭用落都冇困難，帶出帶入都好方便！
Lasty 環保食物包｜$199
購買連結：https://www.gtm.hk/shop/lasty-eco-bag/
開箱文：台灣Lasty環保食物包第二代
環保嘅概念其實本應好好，由自己同身邊嘅每人做起，大家住嘅、用嘅都可能可以更整潔(o´罒`o) 希望未來會可以便利同環保係可以並行存在，而唔係本末倒置向市民開刀。
想睇更多環保用品可以直接喺環保寶寶專頁選購，下次再為大家分享更多生活情報～
環保寶寶｜https://www.gtm.hk/eco-friendly/
