品牌推薦, 益您情報, 立雜奇趣

【開箱】My Little Box 2023年 1月號

有錢就身痕 第五期!
繼續同大家介紹日本美妝盲盒 My Little Box~

第一次見My Little Box 咩嚟㗎

日本美妝盲盒 My Little Box 會係按月訂購同出貨的,每月訂閱價格¥3350。每個月會設定唔同主題,嚴選當季流行美妝同時尚配件、雜貨等,並以精美插畫包裹再寄畀訂購者嘅驚喜禮物盒。
佢哋已經有八年歷史,而且合作品牌都有一定嘅知名度,唔怕入面係普遍清貨福袋概念嘅雜牌產品 怕用壞人,亦大大減低咗買咗返去後唔實用 得個擺字嘅機會!
小編自九月開始訂閱幾期,嚟緊幾個月都會為大家開箱,揭開廬山真面目(╯✧∇✧)╯

上期12月號回顧
https://www.gtm.hk/all/my-little-box-2022-dec/

1月號 Make a wish

My Little Box 2023年 1月號以 Premier moi 為主題。「Premier moi」喺法文中會指一年中嘅第一個月,亦都有優先嘅自己嘅意思。新一年開始,好多人都為新一年立下志向目標,大家都充滿挑戰精神,但應該都有好多人太興奮太多目標而唔能夠長久堅持。喺呢種情況下,不如先以「自己優先」嘅心態,先花時間照顧好自己 釐清自己,或者新嘅靈感會不期而至。

新一年新景象,今期帶畀我哋嘅仍然有化妝品同以滋潤保濕為主嘅產品 以及日常小雜貨,包裝一嚟已經驚為天人(°ロ°٥) 打開後就係今期內容~

包裝係一大個日式便當樣嘅包袱,攤開係邊長約65cm嘅正方形嘅風呂敷,用嚟包唔同大細嘅物品 或者做頭巾同絲帶裝飾都ok~



▲ 風呂敷會有My Little Box 自家嘅小標籤

1月主題小冊子同樣列出咗產品詳情,除咗風呂敷嘅使用方法之外,仲有今年嘅星座運勢~

略略Google翻譯咗,大致都係正面嘅鼓勵(ㅅ˘ㅂ˘) 新一年祝大家事事順利~

白羊座 (3/21 – 4/19)
來年挑戰新事物、找到你真正想做的事情,這可能是你將要研究的主題。
金牛座 (4/20-5/20)
慢慢回顧自己至今的人生。今年會是很重要的一年,可以勇敢地獨自旅行,享受你的時光。
雙子座 (5/21-6/21)
與人的關係是關鍵的一年。花時間和朋友談笑會讓你精神煥發,新一年增加互動吧。
巨蟹座 (6/22-7/22)
今年是你想徹底追求你想做的事情 並將其傳遞給世界的一年。帶著能讓你感覺更好的妝容和美甲出門吧。
獅子座 (7/23-8/22)
新一年將有意識地擴闊自己生活寬度。可以讀一本書、上一堂課,或追求新事物。
處女座 (8/23-9/22)
今年需專注於你內心真正想要的東西,重新思考想如何度過你寶貴的時間。

天秤座 (9/23 – 10/23)
今年人與人的關係對你來說會比以往更重要。比起獨處,可以多花時間與他人在一起。
天蠍座 (10/24 – 11/22)
新一年專心工作。珍惜休息的時間,工作會更有效率。
射手座 (11/23 – 12/23)
這是沉浸在有趣事物中的好年頭。活在當下,過多考慮未來反而會讓我們有太多煩憂。
摩羯座 (12/24 – 1/19)
在家裏好好充電,讓我們把家變成一個放鬆的空間。能被你最喜歡的人包圍 真是太好了。
水瓶座 (1/20 – 2/18)
今年是開始學習新事物和提升自己的好年份。在書店停下來,買一本吸引你眼球的書、作一篇詩句。
雙魚座 (2/19 – 3/20)
如果今年你想考慮會讓你身心愉悅的事物時,你可以吃美味的糖果或享受按摩。

睇返單品嘅部份,首當其衝一打開就見到嘅產品會有dejavu嘅睫采分明立體睫毛膏,呢個牌子嘅睫毛膏以前已經有聽聞過,口碑相當唔錯。
標榜睫毛膏喺每一條睫毛上形成一層極薄薄膜,可以令睫毛根根分明不結塊,妝感自然。薄膜配方可以有效抵抗皮脂、汗水、眼淚同摩擦,超級持久,但係用暖水就可以輕鬆去除,冇咁容易傷害本身嘅睫毛!

第二樣會有Embryolisse 全能奇蹟紓敏保濕霜,香港售價大約係$200。標榜成分精簡,溫和低敏,不含Paraben類防腐劑、酒精、MIT/CMIT,獲兒科醫生測試 7個月大嬰兒都可使用,乾性皮膚同敏感肌都啱用,網上評價好多人會用嚟做妝前保濕,不過油性肌膚用完好易再出油,就未必咁啱。
實際用落質地比較厚身,似平時Lotion,好易推開但用完會覺得有一層薄油喺表層,未必個個都習慣呢種質地。但真係好保濕,小編喺依家嘅甩皮季節試用,最易起皮嘅鼻翼喺朝早搽完直到夜晚都仍然相安無事!不過都要試多排先見真章~

早兩期My Little Box 已經有收過一支德國香薰品牌Kneipp 嘅身體油,直至而家都有用緊嚟做按摩油~
Kneipp 鍾意結合草本配方研發產品,今次就有同樣來自呢個牌子嘅入浴鹽片 收到嘅氣味會係橙菩提樹,聞落反而覺得有少少人蔘味
入浴鹽片加入咗有機摩洛哥堅果油,浸浴嘅時候都可以滋潤肌膚。單個售價會係308円~


▲ 日本製,見到都開心 (●` 艸 ´)

然後有唔肯定係咪贈品嘅Minon AminoMoist 試用套裝,9月號已經有收到過,呢個保濕功力不容質疑嘅品牌,再次收到都開心嘅~

試用套裝詳細介紹可以睇返9月號開箱\(●´ϖ`●)/
https://www.gtm.hk/all/my-little-box-2022-sept/

嚟到My Little Box 自家出品,每次盲盒都會加入1 – 3件自家出品,多數以雜貨飾品為主。今次嘅出品除咗包裝嘅風呂敷外,仲有一隻藍白色馬克杯,一年之中,一杯熱飲對於睡前或者假期在家放鬆係必不可少的 (∂ω∂)
容量唔算太大,但沖咖啡沖茶應該啱好,而且手柄設計成方形,個樣都好特別



▲ 呼應返以「自己優先」,杯底印住「Be sweet to yourself」。希望大家忙裹偷閒飲啖嘢嘅時候,會提醒到你要對自己好啲,唔好逼得自己太緊(´・ω・)つ


今期產品幾啱心水,淨係條包袱已經覺得好Q (´▽`ʃ♡ƪ)”~
下期作為Sweet Sweet情人月,見到佢預告會有粉紅色主題!今個月你都辛苦了 下個月見~

My Little Box 日本官網
https://www.mylittlebox.jp/

My Little Box 2023年1月號盲盒內容-官方發佈版
https://www.mylittlebox.jp/box/premier-moi

日本其他網站 | 人手報價
https://www.gtm.hk/shop/mxj/