2023年度@cosme美妝大賞 上半年新秀賞喺上個月出爐啦，香港、日本、台灣都有唔同結果，邊啲產品可以脫穎而出，又有邊啲產品有潛力笑到最尾呢？ψ(｀∇´)ψ
@cosme美妝大賞有咩咁犀利 咁值得參考？
日本最具知名度及權威性嘅美妝品口碑網站@cosme 每年都會根據網站會員嘅真實評價同心得，評選出嗰一年中最能反映廣泛消費者真實偏好嘅美容美妝榜單，為之@cosme美妝大賞！
2023過咗半年，香港日本台灣 各個地區嘅會員對唔同種類產品都各有評價，方便大家一次過睇晒 小編整合咗三地會員嘅最Top心水，圖片中左至右分別會係港日台，睇下又係咪你嘅心水～
公認好用未必一定啱 但留意下實冇蝕底嘅(ゝ∀･)
@cosme指數中滿分評分係7粒星 ☆☆☆☆☆☆☆，所以能夠得到5分以上嘅已經係大多數會員普遍鍾意嘅產品，5.5分以上更加係好評不絕，6分以上就係夢幻逸品！
先嚟介紹綜合大賞，今次三個地區嘅綜合大賞第一名居然係三款完全唔同種類嘅類別(ﾉ∀`*)
香港代表會係 L’ORÉAL PARiS 強韌豐盈防掉噴霧精華，大賞期間評分 5.7。
標榜有超細精準噴頭，噴於頭皮可以秒吸收、唔黏膩。會員評價指使用兩星期已經有明顯效果( ºωº )
日本代表係 DIOR 誘惑豐盈水潤唇彩，評分 5.7。
Dior經典唇彩，揉合天然成分配方注入櫻桃油及透明質酸粒子，保濕得嚟產生鏡面般光澤效果。會員評價指有高級感，唔顯唇紋，嘴唇變得豐滿，常備喺袋中～
台灣代表係 DR.WU 角鯊玫瑰果賦活精華油，大賞期間評分 5.9。
透過唔同成分改善乾繃、細紋、粗糙，讓肌膚獲得全方位賦活與潤澤，重現柔嫩細緻光澤。會員評價指夠滋潤、好吸收、用量耐用！
保養品類 做好基礎先做到世界冠軍
化妝水
香港代表 HADA LABO 肌研 糀潤白米肌源液，大賞期間評分 5.6。
糀潤精華配合4重天然淡紋保濕因子，緊緻肌膚 減少幼紋，深層鎖水。會員評價指有明顯嘅提亮效果。
日本代表 KANEBO 煥采新生美肌水，評分 5.4。
喺滋潤肌膚嘅同時，去除多餘油脂同髒污，締造透亮光澤、柔嫩肌膚嘅擦拭型化妝水。會員評價指粗糙嘅皮膚變得光滑(∂ω∂)
台灣代表 ELIXIR 膠原彈潤精華水 II滋潤型，大賞期間評分 5.8。
將多重膠原蛋白保養成分注入肌膚，達到「秒滲透」x「極水潤」x「超澎彈」嘅透亮膚質。會員評價指真係好快就吸收，保濕唔錯~
面膜
香港代表 Benefit 深層淨化毛孔泥膜，大賞期間評分 5.5。
含富礦物質嘅高嶺土及海茴香萃取成份 有助深層清潔毛孔同減少肌膚表面分泌過多油脂。變乾後可以見到毛孔中分泌過盛嘅油脂被吸出來。會員評價指覺得係肉眼可見到嘅深層毛孔潔淨，有效減少毛孔堵塞～
日本代表 Lululan Vitamin HYDRA-V 面膜，評分 5.3。
7種維他命同草本成分為整體皮膚提供快速護理，帶來透亮肌膚。會員評價指滋潤度適中，堅持使用一個月後皮膚白咗、毛孔細咗！
台灣代表 提提研(TTM) 浸潤補水黑面膜，大賞期間評分 5.3。
獨家Hydro-Oat™極效保濕成分，迅速滲透角質間隙，瞬間導水並強化修護，為肌膚鞏固健康基礎。會員評價指保濕超讚，而且面膜布相當貼服～
面霜
香港代表 HADA LABO 肌研 糀潤雪凝霜，大賞期間評分 5.2。
面霜質感輕盈、鬆軟，給予肌膚柔軟親膚的細緻修護，具保濕鎖水、淡化乾紋及增加透亮光澤感嘅功效。會員評價指質地輕薄但保濕鎖水力都好夠，而且性價比高～
日本代表 CHANEL一號紅山茶花乳霜，評分 5.5。
利用紅山茶花精萃形成保護屏障，令肌膚保持健康並煥發活力光澤。會員評價指保濕唔粘稠，適合乾燥季節使用。
台灣代表 CLARINS 氧氣亮白淡斑水凝霜，大賞期間評分 5.6。
集結保濕霜、急救面膜與晚安面膜三種功效於一身，超輕盈凝霜質地一抹快速滲透秒吸收，瞬化形成隱形有氧水膜，保濕效能翻倍升級。會員評價指保濕得嚟使用感舒適、有好香嘅花香味。
精華液
香港代表會係 AHC PRO Retinal 醫美科研晚間逆齡膠囊，大賞期間評分 5.7。
添加AHC專研高濃度7.5% 大熱抗皺Pro Retinal配方，一夜平衡肌膚6大問題，滋潤度、水分流失率、肌膚彈性、肌膚粗糙度、光澤度、膚色明亮度。會員評價指一次一粒使用方便，抗皺效果顯著。
日本代表係 DIOR 完美活能超效精華(升級版)，大賞期間評分 5.4。
都會係抗衰老精華，重塑緊緻、彈性及亮澤肌膚。會員評價指乳液狀質地延展性很好，濕潤但不粘膩，肌膚真係變得光滑緊緻。
台灣代表係 Darphin 金緻再生奢光露，大賞期間評分 5.9。
同樣都係抗衰老為主，完整封存6種頂級植萃油，觸膚即化與精華完美融為一體，提供非凡抗老修護和滋養潤澤力。會員評價指整體肌膚變得更勻亮保濕。
化妝品類 想唔脫妝唔甩皮點解咁難嗚
睫毛液
香港代表 MAYBELLINE 飛天翹防水睫毛膏，大賞期間評分 5.6。
打造24小時飛天翹防水翹睫，不塌、不暈、不結塊，蘊含注入Pro-Keratin角蛋白胺基酸修護成份，擦睫毛同時深度滋養睫毛。會員評價指濃密纖長表現驚人，根根分明，hold到捲曲一整日。
日本代表 MAYBELLINE 2in1激翹滋養美睫底膏+睫毛膏，評分 5.2。
被稱為睫毛小白瓶，膏體輕盈，打造偽素顏角蛋白一整天激翹效果。注入營養精華角蛋白胺基酸及椰子油萃取，強韌睫毛，減少折斷掉落，捲翹同時保養睫毛。抗暈、防水但溫水可卸。會員評價指效果自然捲翹，可以再配搭其他睫毛膏使用。
粉餅
日本代表 PAUL&JOE 光透柔肌粉餅N，評分 5.3。
獨家配方賦予肌膚水潤光澤與自然紅潤感，營造從肌底透出嘅透亮好氣色。運用獨特「片狀形修飾粉末」能緊密服貼於肌膚，有效修飾肌膚瑕疵與紋理，創造平滑細緻嘅膚質同時維持輕盈薄透的妝效。會員評價指質地好輕薄，可以化出有光澤感嘅妝容。
台灣代表 MAKE UP FOR EVER HD SKIN粉無痕柔霧空氣粉餅，大賞期間評分 5.9。
MAKE UP FOR EVER 嘅皇牌產品，粉餅市場口碑NO.1、銷量NO.1。會員評價指霧面質地都好服貼，毛孔遮瑕度都好足，而且佢喺日本新秀賞都係第三名！
氣墊粉餅
日本代表 LAURA MERCIER 極致持久鑽光氣墊粉底，評分 5.6。
特别為亞洲女性研製，加入鑽石粉末能有效提升皮膚亮澤度，質地透薄，仍可達至中度至高度嘅遮瑕效果，底妝長效持久達十二小時。會員評價指質地好輕薄，可以化出有光澤感嘅妝容。會員評價指用落唔乾，遮瑕高，可以令膚色均勻。
台灣代表 Clé de Peau Beauté 肌膚之鑰 水潤光采氣墊粉霜，大賞期間評分 4.7。
先進科技配方結合品牌奢華科技成分，輕拍底妝同時注入保濕能量，完美實現上妝即保養，賦予肌膚如嬌嫩玫瑰般嘅精緻妝感。會員評價指真係好保濕水潤，用咗一日都唔脫妝～
其他種類 美妝界別無奇不有
髮膜護髮精華
香港代表Dove 胜肽修護髮膜，大賞期間評分 5.6。
頂級修護成份胜肽 (Peptide)、氨基酸、透明質酸，多重修護受損髮質、強韌秀髮、保濕柔順，會員評價指即時改善毛燥情況，滋潤順滑得嚟唔黏膩。
日本代表AVEDA Scalp Solutions 頭皮抗衰老凝露，評分 4.8。
從冬青中萃取嘅水楊酸 及透過發酵技術萃取嘅氨基葡萄糖，溫和而深層地去除頭皮表面雜質、產品殘留物、微塵及多餘頭皮油脂達76%。會員評價指頭皮清爽得嚟有保濕、去異味嘅作用，夏天用啱啱好～
台灣代表PANTENE 潘婷 爆水精華系列PRO-V高濃保濕膠囊髮膜（密集修護型）(爆水膠囊髮膜) ，大賞期間評分 4.7。
首創爆水養髮概念，3倍美容爆水精華先滲透後鎖水，爆出水光髮，屋企都可以養出salon級嘅彈潤光澤髮。會員評價指髮質有即時改善，細細粒旅行必備。
洗髮
香港代表Dove 深層修護洗髮乳，大賞期間評分 5.5。
角蛋白修護因子同強效保濕因子深入滲透至髮芯，修護受損毛鱗片，重現健康髮質。會員評價指好易起泡，有深層修護嘅順滑感 但唔會太厚重。
日本代表Electron SYNCHRO 洗髮乳及護髮素，評分 4.7。
富含電子嘅活性電解水基洗髮水，可以溫和乾淨地去除污垢。滲透成分至頭髮內部，重新修復受損頭髮，護理頭皮抗衰老，讓秀發更有光澤。會員評價指洗完之後好輕柔同有香味。
買任何美妝用品都係，買咗返嚟萬一唔啱用就好難勉強繼續用，唯有擱置或者送畀人(›´ω`‹ ) @cosme美妝大賞幫大家整合咗一啲前人嘅試後感，都算係filter咗一啲年齡接近 同樣膚質嘅意見～
想研究得更仔細可以㩒以下連結，除咗有分為唔同產品種類嘅頭三位，日本方面仲有分埋唔同價格嘅榜一。但他人嘅蜜糖，你嘅毒藥，始終個人用品都係因人而異，除咗做多啲功課配合自己嘅膚質，都係要親身試下先知，祝願大家可以更輕鬆搵到命定嘅美妝產品！
@cosme香港美妝大賞 上半年新秀賞｜https://hk.cosme.net/best-cosme-awards/2023/1h_newstar
@cosme日本美妝大賞 上半年新秀賞｜https://www.cosme.net/bestcosme/
@cosme台灣美妝大賞 上半年新秀賞｜https://www.cosme.net.tw/beauty-awards/2023/half
