生活百貨, 益您情報

【一年一度】2023 年度開倉回顧

時隔一年半,2023 GETHEMALL 開倉於今星期初完滿結束,今年開倉我哋繼續轉戰地舖,於旺角中心G3號舖 一連三日17-19/3星期五六日,將所有倉裏面滄海遺珠 各式各樣嘅貨品有的沒的,以低至成本價甚至蝕本價呈現畀大家٩(。・ω・。)و

若要收穫肥 開倉要準備

支持開我哋嘅客人可能都有嚟過前年嘅GETHEMALL 開倉,反映返細長形狀嘅場地通道比較狹窄,尤其我哋開倉產品咁多,未必咁易行 美中不足咁 ( ˘・з・)
今年準備嘅場地雖然比前年細小小但同樣寬敞,方形嘅場地令動線可以規劃得更加流暢!通道開闊希望客人們行得更加舒服~


▲ 開倉第一日嘅早上,同事繼續馬不停蹄地上架上架上架!

安排咗好多大家都熟悉嘅牌子:Nike/ Adidas/ HOKA/ Hanes/ Dickies/ Carhartt/ Mont-bell/ New Balance/ The North Face 等等,多不勝數呀~



▲ $99 Carhartt tee Nike tee 各款tee!就嚟夏季 買定返去出街做運動替換都一定冇蝕底 o(☆ ∇ ☆)o


▲ 由夏季大賣到冬季 再返到嚟接近夏季,各款Gerry 短褲長褲都係做緊$199,材質各有唔同 分別對應保暖同速乾,都一樣實用百搭


▲ 除咗 TOMS 同The North Face 拖鞋,右下嗰對 Taw & Toe Zerovity Flip Flop 會係韓國長居熱銷榜嘅超軟熟靚拖,開團有優惠都做緊$399㗎,但開倉斷碼$199已經有交易ヽ(●´∀`●)ノ 當然好快已經有有緣人買走~


▲ 各款New balance 同Keen 賣緊$699,機會難逢 手快有手慢冇!

除咗衫褲鞋襪同平時都會見到嘅實用家品同得意精品之外,同事仲會有唔少日韓小食特價發售,最平$10 就有交易,埋單時拎包 試下平時以外嘅口味~


▲ 「帶腦返工」!同事都有著住嚟帶腦開工٩(๑•̀ω•́๑)۶
限定Brian 腦Tee 開倉期間現場發售,有興趣嘅朋友們可以買返件,自用或者送畀要提醒嘅朋友同同事都啱用㗎~

養倉年半 用在三晝

到咗正式開張嘅時刻,三日都各具特色㗎(ㅅ˘ㅂ˘)
第一日17號星期五,款式最多最齊,好多只得一件嘅貨品都會喺呢日出現~
第二日18號星期六會進行大補貨,超多新貨上架,有啲款式係從未賣過㗎 (灬ºωº灬)
第二日19號星期日最後一日就梗係最平啦!所有貨品 買滿$200全單9折 買滿$500全單8折
開倉期間買滿$200 仲可以即場扭蛋一次,再有額外神秘禮物送畀大家~

結果三日都門庭若市,除咗見到一啲以往開倉見過嘅熟客面孔,甚至見到有客人們特登喺開門前已經喺門口等開張,實在非常之感動 (⸝⸝⸝ᵒ̴̶̷̥́ ⌑ ᵒ̴̶̷̣̥̀⸝⸝⸝)



▲ 人流多到同事都挑戰咗自己嘅最短食飯時間,真係甜蜜嘅負擔呢

下晝時間人流比較多,為咗令大家行嘅環境更加舒適,場內設立咗人流管制,嚟到可能要排一排隊,不過好快就有得入,多謝大家多多支持同耐心等候 (๑•̀ㅂ•́)و✧



▲ 大排長龍 生意興隆ヾ(´︶`*)ノ希望大家入到去都會覺得排隊都值!


祝願嚟到或者未嚟到嘅朋友們都買得開心又過癮!
衷心多謝大家嘅支持,2023年 Gethemall 會繼續為大家搜羅更多好物(≧∀≦)ゞ 今年請繼續多多指教~