正所謂吾日三省吾身，Gethemall好想變得更好，想去進步，想去改善＼＼\\٩( ‘ω’ )و //／／
早排就發起咗「有讚有彈有獎問卷」，你做問卷 我送coupon，希望聽到你哋每一位意見，最後活動收到過千份嘅回覆，真係非常感謝大家踴躍參與同支持！
收到大家嘅意見當然都要回覆返疑惑，講下之後嘅跟進٩(๑•̀ω•́๑)۶
同事於10月尾已經向完成問卷嘅各位派發買滿$200即享95折優惠嘅Promotion Code，如果仍未有收到嘅話可以提供返email 聯絡返我哋～
➤有關貨品問題
Q：你哋嘅貨好似成日都好耐先到…
收到最多嘅意見就係貨期不似預期。･ﾟ･(つд`ﾟ)･ﾟ･因為涉及賣方出貨、物流狀況、海關抽查等好多唔同原因，呢個會係代購好難避免遇到嘅問題，但我哋都會積極想解決舒緩！
現時比較多有物流唔穩定而導致延誤嘅貨品普遍會係美國訂單，嚟緊我哋會更改美國貨品嘅運送公司，務求令到貨時間會穩定啲、縮短啲(；´ﾟωﾟ｀人)
另外如果一張訂單內太多貨品，會等齊先一同安排出貨，可能都會令訂單遲啲先收到。當然如果有缺貨或者貨運出現問題嘅情況，同事會盡快更新返，盡力買到大家嘅心頭好～
Q：未來有機會增加咩產品同牌子？
一直都希望增加唔同牌子同多啲種類嘅產品，今次收到客人們想我哋開一啲有關Disney Japan同貓貓產品嘅意見，近期就開咗 Disney Japan White Pooh Colloection淺色維尼系列 同 Gregory x Disney 100 合作袋款，以及貓貓肉球開罐器
未來我哋會留意多啲以下類型嘅產品：
– 美妝／護膚品
– 寵物用品／寵物造型產品
– 嬰幼兒／小童用品
除咗以上方向，都有收到大家其他關於其他各類唔同興趣嘅建議，如果係未有開團但喺外國網站有搵到啱嘅貨品我哋都可以代購~
網站代購：https://www.gtm.hk/web/（美國、日本、韓國、英國、歐洲、台灣、澳洲）
Q：買嘢應該要揀咩尺寸？門市會唔會有提供試著？
日常比較多人問嘅除咗到貨時間之外，仲有尺寸問題，我哋門市都有提供部分長期可訂購嘅貨品嘅sample以直接試身，而且會隨住季節變更而增減㗎⎝( OωO)⎠之後會增設更多常開團款式嘅試著，之後身先士卒會有WV Project 及Slowand 嘅產品，未買過呢個品牌又有興趣嘅朋友就可以留意住消息～
➤有關服務問題
Q：取貨時旺角門市同事嘅服務態度唔係咁友善咁嘅？
有時旺角門市同事可能比較繁忙、專注喺尋找貨品或者解決事件而忽略咗態度，之後我哋會提供培訓，加強返服務態度(ง๑ •̀_•́)ง亦感謝大家體諒！
Q：點解 Whatsapp好似覆得咁慢？(´・ω・`)
Whatsapp有時會需要問一問返同事相關情況，先可以再作回覆 所以可能會遲咗，麻煩久等了(∩´﹏`∩)
基本上Whatsapp 訊息會由底開始回覆，所以若果仍未讀嘅訊息請盡量唔好send新訊息住，同事會盡快回覆返！客服回覆時間係星期一至六 10:00-16:30，但如果24小時客服都未有回覆就有機會係miss咗訊息，需要麻煩再搵一搵我哋~
➤有關網站問題
Q：Tap&Go成日都load唔到去畀錢，會唔會有更多畀錢方法？
Tap&Go有時會因為系統唔穩定而要重新落單先再畀到錢，之後會增添客人們眾望所歸嘅Apple Pay/Google Pay✧◝(⁰▿⁰)◜✧將Tap&Go加入Apple Pay/Google Pay 後都可以畀得順利啲㗎～
依家網站已經有八種付款方式（Paypal、Payme、FPS 轉數快、網上轉帳、櫃員機入數、Tap & Go 拍住賞、八達通、旺角門市現金付款），希望大家以後落單付款更流暢方便！
Q：增設其他取貨方式？
現時會有「旺角總店取貨」、「多寶取貨點」、「順豐到付」三種取貨方式，嚟緊有機會增加「嘉里物流 kerry express」，更便利地拎貨～
Q：網站成日load好耐都未加入到購物車／埋單？
收到大家反映有時網站會load得好慢嘅情況( ×ω× )同事搵到會係data太多嘅問題，現時會係將 2020及21年嘅訂單數據data另外保留處理，雖然會令網站上未能查閱20／21嘅訂單，但速度方面就有大大嘅提升！
之後可能會有更多嘅網站更新，令大家有更流暢更好嘅落單體驗～
➤有關未來增設活動
（1） 首當其衝會有11月底嘅韓國連線活動🇰🇷會有我哋嘅ig小編同同事們實時為大家搜羅最優惠嘅貨品同時下潮物，衣物、飾品、護膚化妝品、食物… 款式包羅萬有，千其唔好錯過～
（2） 臨近聖誕嘅12月，上年大受歡迎、物超所值嘅福袋活動今年會再加把勁，交換禮物定送禮自用都相宜，鍾意驚喜嘅朋友記得留意(╯✧∇✧)╯
（3） 下年會新增萬眾期待嘅會員制，緊密研究儲分功能或者會員專享優惠，常客們有福了！
本身製作意見問卷已經做好心理準備會收到好多批評，但最後收到嘅讚賞更加多，真真正正地有讚有彈，收到咁多用心回覆真係好榮幸(●´ω｀●)ゞ尤其好多客人都係由10年前甚至開張時已經開始幫襯，比較返以往嘅表現都對我哋有好大嘅幫助！
無論係新客定舊客，嚟緊Gethemall會有更多嘅新發展，希望你哋會一齊見到我哋嘅進步，繼續支持，多謝大家(´▽`ʃ♡ƪ)”