【祭典專題】好熱好熱!冰拎唪唥夏祭!

【祭典專題】好熱好熱!冰拎唪唥夏祭!

前排就有個群組用YOLO去宣傳禁毒,YOLO:YOU ONLY LIVE ONCE,本身呢就係講緊人生只會活一次,人一世物一世,乜都要試下嘅。
點話點好啦,我哋就唔鼓吹任何吸毒行為嘅,但食冰嚟講又真係好刺激好爽……我係講緊刨冰、沙冰個啲冰啊!
而家嘅夏天越嚟越熱,又成日睇新聞睇到心火盛,唔食翻啲涼爽嘢,點對得住自己啊ヾ(●゜▽゜●) 為咗幫大家降下火,我哋又實測咗啲有趣小工具,準備介紹俾大家!

憑汗水同堅持換翻嚟嘅沙冰 係甜㗎

市面上嘅沙冰杯都要提早一晚雪定落冰格,再倒飲品落去先整到沙冰。
但冰櫃本身已經放晒急凍嘢 都無乜位剩,再放多成隻杯落去 實俾阿媽話阻住晒 (PД`q。)
而且心血來潮想食沙冰嗰陣又無得即刻食喎……
(小編屋企都有一個,而家先記得佢嘅存在,我諗佢係我雪櫃冰格雪咗5年都有嚕XD)

而家就介紹翻呢款唔使提前雪定嘅 搖搖沙冰杯 俾大家,只需要基本材料就可以即刻整到好味嘅沙冰,好興奮啊!

材料:
2.5cm 大小的冰           5粒
鹽                                   約20g
水                                   約25cc
自己喜歡調製嘅飲品  30-55cc

但要割禾首先要彎低腰,要用呢個沙冰杯需要有毅力同強勁嘅臂彎\\\\٩( ‘ω’ )و ////
CHOK翻個百令秒左右 就可以食到軟滑嘅沙冰㗎喇
大家仲可以試吓用自己鍾意嘅飲品去整添,份量唔算多,但有得發洩吓精力之餘仲可以過吓口癮,掂啦~
買嚟同小朋友玩仲可以教曉佢哋,憑自己嘅努力獲得嘅成果 係特別有成功感㗎!

我哋嘅試用片段
https://www.youtube.com/watch?v=emxwik_s_Xc&ab_channel=GeTheMallHK

Humbrand|冰拎唪唥!搖搖沙冰杯
https://www.humbrand.com/products/冰拎唪唥!搖搖沙冰杯


柔軟又飽滿?我知你鍾意大波妹,我都有大粒糖,唔知你啱唔啱?

唔知大家有無食過呢款100%果汁嘅提子味覺糖?
佢都曾經喺香港風靡一時㗎,想當年我屋企都入定十包八包做存貨,拎翻學同啲friends分享嗰陣都威啲!
佢嘅外層做到好似真正提子皮咁嘅口感,入面嘅果肉就係Q彈提子糖,
唔知柔軟又飽滿嘅提子糖 遇上硬唪唪嘅刨冰,又會產生點樣火花呢?

大量製造刨冰無問題~YOLO~

如果你係個懶人,又想試下不勞而獲嘅嘅感覺,呢部 UHA味覺糖電動刨冰機 就啱晒你
就咁插電、買包糖(絕對建議用上面推介嘅提子糖)、買袋冰就已經可以整到!


到貨時覺得呢部電動刨冰機比想像中靚好多!
佢採用翻糖果色系去點綴部刨冰機,好有味覺糖嘅感覺,雖然都有啲似菲利

除咗機座夠晒穩陣 是是正正之外,仲有塊刀片夠厚又有鋸齒,夠晒力打碎冰同糖。
所以好快就可以刨到好多冰,啱晒宴客嘅時候拎出嚟用 (*´ω`)人(´ω`*)
同三五之己親朋戚友一切過翻個透心涼嘅夏天!

我哋嘅試用片段
https://www.youtube.com/watch?v=F13SD5U_Kdw

Humbrand|冰拎唪唥!UHA味覺糖電動刨冰機(連轉插)
https://www.humbrand.com/products/uha味覺糖電動刨冰機(連轉插)


復古日式刨冰機,牙無力都食到嘅綿綿冰

有啲人可能又會話 沙冰要chok咁攰,刨冰硬唪唪咁 食到牙都痛埋,
但都仍然追求涼快嘅你,咁綿綿冰一定係你嘅首選啦~

老實講,呢部咁復古咁日系嘅刨冰機 一開始只係以外貌吸引到我哋,心諗拎嚟打個卡、扮下去日本都好啊嘛~
點知佢實測之後大家都對個冰 大好評!!

▲ 一開始未用前以為佢刨出嚟係粗粒刨冰,咁就可以整翻杯日式刨冰

點知佢嘅成品出到嚟居然係軟滑嘅棉棉冰,用上特製配方再加啲新鮮生果食,絕對可以媲美甜品舖嘅冰!
(好好味冰製作材料:乳酪、煉奶、暖水、新鮮生果)

我哋嘅試用片段
https://youtu.be/I9Hg3f5C6Ic

Humbrand|冰拎唪唥!日本復古手攪刨冰機
https://www.humbrand.com/products/冰拎唪唥!日本復古手攪刨冰機


知唔知恐龍係點滅絕㗎?

相傳地球步入冰河時期嘅時候,恐龍就開始慢慢滅絕,

現今考古學家多數都剩係搵到恐龍嘅化石,而我哋今次好好彩 搵到恐龍冰封嘅畫面。

造成恐龍冰封嘅並唔係因為冰河時期…而係…


▲ 係因為呢個Tovolo Yeti 矽膠雪條模!每套雪條模都有4款恐龍,而每隻恐龍都有相對應嘅雪條棍尾巴。


▲ 而且仲好有心咁,雪條棍嘅頭係恐龍骨頭形狀嚟㗎。

就嚟放暑假,買啲簡簡單單就小玩意,同屋企嘅塞豆窿一齊玩吓親子活動幾咁好啊~

我哋嘅試用片段
https://youtu.be/-9Xp0Ff2Rxs

Humbrand|冰拎唪唥!Tovolo Yeti 矽膠雪條模
https://www.humbrand.com/products/冰拎唪唥!tovolo-yeti-矽膠雪條模(一套四件)


半杯半杯上心頭 彷似喝多少也不夠?

唔知飲開酒嘅朋友會唔會有個煩惱,就係屋企啲冰總係融得好快,加落酒到溝淡晒啲酒味,浪費咗支靚酒。
而且啲冰成日起晒白霧同氣泡,冇咁美觀咁,但究竟係咩原因呢?

▲ 當水結冰嘅時候係由外到內凝結,所以水入面嘅空氣同雜質會被迫到中間。而亦都係因為冰入面有空氣,冰亦都會相對快融啲。

咁點先可以整到透明嘅冰呢?


▲ 只要喺雪冰嘅時候,令到佢由上到下慢慢咁結冰,就可以將空氣同雜質迫至最底。咁表面嘅冰就可以保持透明喇!

有唔少人會自己整透明冰,然後再自己切翻想要嘅形狀,但大多數時候 飲杯酒都係想chill下啫,搞咁多嘢真係搵着自己嚟搞。
其實市面上都有唔同嘅透明冰製造器㗎~

今次我哋亦都實測咗 鑽石型透明冰製造器。(仲有心型嘅選擇,但講金唔講心,都係揀翻鑽石啦)


▲ 呢個透明冰製造器有三個配件:鑽石冰模、貯水容器 同最緊要嘅隔熱容器。
隔熱容器就係為咗可以令水單向凍結成冰,先可以做到透明。

但唔知點解我哋實測咗幾次,都有唔同嘅小失敗 (●▼●;)
就好似呢次咁,其實會睇到冰嘅外圍係透明效果,但中間有好多氣孔造成嘅柱狀白霧,
唯有再接再勵 試多幾次啦,之後有成果可能再同大家update翻!

我哋嘅試用片段
https://www.youtube.com/watch?v=0_jaarQuGLo

Humbrand|冰拎唪唥!透明冰製造器
https://www.humbrand.com/products/冰拎唪唥!透明冰製造器


有一刻真係懷疑,啱啱喺冰箱拎出嚟嘅雪糕,硬過我條命

每次興高采烈想食雪糕,拎到出嚟發現硬得濟唔可以即刻食,真係欲哭無淚。
但有呢隻 日本製鋁合金雪糕匙羹 就唔再怕喇!



▲ 鋁合金容易傳熱,拎起雪糕羹嘅時候好快就可以將手溫傳熱到匙羹,就可以令雪糕慢慢咁融化,輕鬆就挖到落去~~

Humbrand|冰拎唪唥!日本製鋁合金雪糕匙羹
https://www.humbrand.com/products/日本製-ice-cream-spoon


夏日熱辣辣( ・∀・ 😉 見到上面介紹嘅冰品工具係咪巧心動呢?

Humbrand 冚唪唥 正舉行緊 夏日冰祭【冰拎唪唥預購】,以上介紹嘅實用小工具都開放預購,出晒汗嘅大家記得捉緊夏天~

冰拎唪唥活動頁面
https://www.humbrand.com/pages/lookintomyice

Start typing and press Enter to search

購物車

購物車內無任何商品