【開箱】50惠養潤育髮精華素

【開箱】50惠養潤育髮精華素

三千煩惱絲,雖然難打理,但都唔希望失去佢哋!
無奈現代人生活作息唔定時、讀書工作壓力大、漂電燙染傷頭髮,生理心理兩面受敵,年輕人中年人都開始有脫髮問題_(´ཀ`」 ∠)_

平時植髮育髮假髮廣告都聽唔少,但覺得去植髮太誇張,又唔想用動L洗頭水,想動作細啲自己試下改善,
為大家同自己介紹返呢款 50惠養潤育髮精華素

返工點都要返 脫髮就唔一定點都會脫嘅


▲ 官方指精華素蘊含50種珍貴養潤成分,佢哋各司其職 又互相配合,有高效減少掉髮、激活頭髮生長、提升頭髮密度、強韌增厚髮絲、減慢白髮生長 五種效果,
以3重養髮功效調理養護頭皮,打造健康頭髮生長環境,從髮根開始深層修護,實現健康豐盈感秀髮。

詳細嘅官網介紹
https://www.50megumi.com/women-products/detail/women-nourishing-hair-serum


▲ 開團嘅有160mL嘅樽裝 同150mL補充裝



▲ 樽裝同補充裝嘅背面會列明成效同成分,樽裝160mL份量可以用到約40日,廣告指使用4個月後 大部分使用者都感受到濃密豐盈咗~


▲ Made in Japan,日本製造 信心即刻大增!


▲ 打開後會有樽裝精華素同日文說明書


▲ 噴嘴細細地,可以放近啲頭皮先噴。說明指噴嘴對準菱形會比較易唧。


▲ 官方建議每日早晚使用各1次,可於乾髮或濕髮上使用。早上於使用造型產品前;晚上洗髮及拭乾頭髮後。


家明的精華素呈淺橙色,有淡淡香味,質感並唔油,搽落頭皮嘅感覺係涼涼地爽,捽開吸收咗之後就只剩底清涼,不帶走一片雲彩。洗完頭先用都唔驚變返笠!

媽,好赤裸呀 額頭露出注意!

小編頭髮唔算少,但上次剪頭髮畀髮型師話右邊額角禿過左面,一直耿耿於懷,念念不忘…… 既然係咁,小編拋埋個額頭出嚟,實測一下50惠賣咁多廣告,係咪真係有用!


▲ 被髮型師話禿咗嘅小角落(つд`゚)・゚・


▲ 比起左面,正面睇落右面都真係睇得出比較空啲(PД`q。)・゜・

成果小公開

斷斷續續地使用咗一個半月,每邊額角唧兩泵,平均兩三日搽一次,
可能因為搽得唔頻密 同只搽額角,暫時只用咗三分一支,若果全頭用同日日用應該都真係可以用到30-40日!

本身覺得使用頻率咁疏,應該唔會有咩可見嘅成效。
(以下配圖左面係Before,右面係After)


▲ 老實講正面嚟睇唔覺得有太大分別,反而係發現自己額頭皮膚好咗


▲ 試下仔細對比下每面角,左額角白色頭皮嘅邊界部分好似冇咁淺色,有啲碎毛生咗出嚟掩飾下


▲ 但唔影唔知,右額角明顯見到隻角嘅界冇咁分明,由大梯形變咗中型三角!!!
真係估佢唔到,即刻想堅持日搽夜搽(╯✧∇✧)╯

不專業使用小貼士

◎ 每泵份量都唔少,若果泵落額角嘅話 要小心啲唔好流到周圍都係~
◎ 佢係頭皮嘅精華素,要泵落頭皮先有用,使用時記得先撥開頭髮

今次見到真係有成效之後,小編決心後會用得勤力啲,希望效果會再好啲!
呢款50惠 Gethemall係喺日本入貨,唔係行貨但價錢比較相宜,效果因人而異,都要試過先知!
祝大家恭喜髮財~


50惠養潤育髮精華素|$229 – $269
https://www.gtm.hk/shop/50megumi/

Start typing and press Enter to search

購物車

購物車內無任何商品