返工嘅寄托就係離開唔返工，但唔返工就離開唔到返工 (´;ω;`)
就算未買機票，都已經喺前往買機票嘅路上，而家開始睇定景點執定行李就差唔多啦！
但太耐冇出埠就嚟連要帶咩都唔記得了，今次我哋先行同大家推薦返有咩旅遊必備嘅實用好物，方便大家可以真正安心出行～
見到佢就諗起旅行 封塵三年或執屋已掉(´Ａ｀。)
旅行轉插
去旅行要帶轉插又要睇咩插頭，又驚酒店/民宿/Hostel 唔夠位充電⋯⋯呢個時候就需要一個全能嘅轉插可以一次解決晒！
▲ 三年冇見嘅旅行神器MOGICS Power Bagel！獨特圓型設計令到插頭唔會撞埋一齊，內有90 cm Extension 可以好似拖板咁方便，夠輕身又細個方便攜帶，大家平時去開嘅台日韓泰歐呢啲地方全部都冇問題!
除左5個轉插位之外 仲有2個USB位畀你充電，新版Super Bagel仲有埋type-c位方便ios用戶，去旅行嗰陣電話相機電腦充電器可以全部一齊充，唔使同旅伴爭插蘇位已經係和諧旅行嘅一大步(✧≖‿ゝ≖)
Mogics Power Bagel | $299 - $399
旅行頸枕
機場內人手一個必備嘅旅行頸枕，簡直已經融入埋穿搭嘅一部分(๑- ̀ω- ́)
喺飛機上會唔會瞓捩頸就要靠佢了！
▲ Gowell旅行頸枕低反彈設計夠晒軟熟，包實條頸真係好舒服好有安全感㗎⁽⁽ଘ( ˙꒳˙ )ଓ⁾⁾捲埋之後又細又輕完全唔厊厏️，去旅行嗰時收納超方便，就算平時係公司用嚟墊背，或者喺屋企用嚟瞓晏覺都好適合～
Gowell 3D低反彈旅行頸枕 | $199
▲ 想更慳位都唔一定要犧牲舒適嘅飛行體驗！收納後嘅只有大約一個拳頭咁大，充氣頸枕收納盒本身就係一個泵，唔使用口吹到斷氣又衞生～
日本Gowell Air-Pumped Neck Pillow | $129
旅遊專用銀包
去旅行又要裝錢又要裝Passport裝住香港電話卡，有咁多重要嘅嘢帶當然要搵個又靚又裝得多嘢嘅專用銀包同護照套啦～
▲ 日本Nahe Light Mini Wallet 用咗超輕嘅PVC，側邊仲有個圓扣，方便大家扣喺袋或者腰部，加埋齊全嘅紙幣位、散銀位同埋卡位，收納絕對無難度～
Nahe Light Mini Wallet | $129
▲ Gowell 證件套有頸繩可以比你掛喺頸上，出入境時好就手方便，另外仲有一款簡約腰包，可以將個袋藏喺衣服內側，兩款都有防止資料被讀取嘅功能！
Gowell 防盜證件套&腰包 | $99 - $179
旅行小物 要又實用又有儀式感
立雜小物袋
出外旅行總要帶化妝品護膚品常用藥物生理用品隱形眼鏡眼藥水影印本……
千千萬萬種零碎小物睇到頭都要暈了(›´ω`‹ ) 咁多立雜嘢用幾個隨身小袋分埋類就方便得多！
▲ 去旅行已經好開心，開心得過去旅行嘅 除咗去兩次旅行之外，就係有埋可愛嘅小精靈寶可夢一齊去！
有三款可以選擇，除咗收納之外背面有埋鏡可以座檯使用，行程中化妝冇難度，可愛又實用！
Pokemon 拉鍊化妝袋連座檯摺疊鏡 | $120
▲ 超扺入手嘅A.P.C. ，簡樸造型容量夠大超實用！
UOMO x A.P.C pouch | $119
日元專用Coin Case
日本多數都係使用現金，但有時散紙太多好難好快拎出嚟用，成日唱開晒啲紙幣越使越多錢（#）
呢款 Coin Home 可以超方便咁將1至500円嘅硬幣分門別類放好，一共可以擺到2775円，買嘢時好容易就拎到想用嘅金額！
▲ 用唔晒嘅話又可以放好留返下次用，而且仲要係日本製，返鄉下必備σ ﾟ∀ ﾟ) ﾟ∀ﾟ)σ
