今治毛巾
 
日本製嘅貨品一向都備受推崇，見到 made in japan 自然感覺安心又放心。因為日本人對自身職能同出品都有一種執著同堅持，所以先有良好嘅信譽同口碑。
今治毛巾都唔例外，呢個品牌就連日本人都非常推薦！
 
今治毛巾

「今治」係以今治市生產高品質毛巾為類別嘅總稱

今治市係以出產毛巾而聞名嘅小鎮。當地天氣四季溫暖，光照時間長，降雨量少，仲有豐沛嘅水源，不但水質硬度低，而且重金屬含量少。喺咁優質嘅環境下生產嘅今治毛巾，自然得到「安心、安全、高品質」嘅美名。

 

今治毛巾
今治毛巾最早出現喺江戶時代，已經超過120年歷史。喺1991年生產量試過登到頂峰。不過當時大部分今治毛巾係按照海外品牌嘅授權協議生產，所以毛巾上都係冇「今治」呢個名，亦都唔係個個日本人都有聽過㗎。
而佢哋嘅事業都唔係一帆風順，隨住九十年代工業興起，其他國家嘅廉價毛巾大量輸入日本，導致今治毛巾銷量大倒退，當時好多生產今治毛巾嘅企業都被迫執笠。後來請咗 佐藤可士和 擔任藝術總監，佐藤可士和都好驚訝今治毛巾嘅質量居然咁好。

「明明係好嘅產品，但居然賣唔出？」

今治毛巾

於是佢由設計Logo著手，重新幫今治毛巾打造一個全新嘅品牌形象，慢慢令到今治毛巾起死回生。紅、白、藍色嘅Logo都有特別嘅意思：紅色代表熱情同活力；白色代表柔軟；藍色代表豐沛又優質嘅水源。要經過一連串嚴格嘅檢驗、篩選、織染同製作過程，先有資格印上呢個商標㗎！

今治毛巾

今治毛巾嘅特點係吸水能力極高、柔軟同埋唔甩色。網上有好多實驗將一條今治毛巾放喺一杯水裡面，只需要五秒，就可以將杯內嘅水吸到一滴不漏。加上今治毛巾係100%棉織製造，挑選咗纖維較長、稀有的棉種，所以先有咁柔軟嘅觸感。

今治毛巾

你有冇諗過，一條睇落平平無奇嘅毛巾，都可以成為一件藝術品？

喺日本，就有一間タオル美術館，將毛巾融入藝術俾遊客欣賞。呢間美術館位於愛媛縣嘅今治市，館內嘅毛巾會以各種出其不意嘅方式呈現喺你眼前，就連牆上嘅大壁畫都係毛巾，仲可以參觀毛巾製作過程。館內都有好多店舖可以俾遊客買今治毛巾同埋特色手信。真係希望疫情過後，可以去一趟今治之旅！
 
今治毛巾 タオル美術館
今治毛巾 タオル美術館
今治毛巾 タオル美術館

今治毛巾可遇不可求 GTM滿足你

為咗滿足大眾嘅需求，今治毛巾嘅款式可以話係五花八門，就連size都有幾種唔同嘅選擇，除咗平時經常用嘅洗面毛巾同沖涼毛巾之外，仲有抺手嘅手巾仔。甚至聯合其他品牌，推出圖案精美嘅今治毛巾。
日本製 Shesay 今治毛巾
日本製 Shesay 今治毛巾
▲ 每日都要用嘅毛巾最緊要柔軟親膚、吸水力高，錫住塊面又耐用，呢款Shesay 今治毛巾自開團以嚟一直都好高人氣。

 

日本製 Shesay 今治毛巾
Face Towel: W34×H85cm $89 | Bath Towel: W60×H120cm $149
 
Plain Fabric Hem Colour Towel 今治毛巾
Plain Fabric Hem Colour Towel 今治毛巾
▲ 三種尺寸，滿足哂任何家居上嘅需求。
 
Plain Fabric Hem Colour Towel
Hand Towel: 34×35cm $59 | Face Towel: 34×80cm $89 | Bath Towel: 60x120cm $169
 
Hotel Style 日本今治毛巾
▲ 日本高級旅館常見款式。好多酒店都會用白色嘅毛巾，因為要俾客人感覺乾淨整潔，好多出名嘅酒店同溫泉旅館都係喺呢間廠商入貨㗎！
 
Hotel Style 日本今治毛巾
Hand Towel: 33 x 35 cm $43 | Face Towel: 33 x 75 cm $88 | Bath Towel: 60 x 120 cm $178
▲ 今治製 x 日本服裝品牌 Hanes 推出嘅手巾仔，吸水力強而且質地柔軟出街都可以用到高質毛巾，有埋紙盒包裝揀做小禮物就啱晒～
 
日本製 Hanes 禮盒裝今治手巾 | $49
 
▲ 利用混合天然材質同特殊工藝編織而成，質地軟硬適中，唔使太大力已經可以溫和擦走多餘油脂，肌膚清爽晒好舒服！
實用手帶設計，唔怕跣手之餘，筋骨幾硬都好方便郁動擦洗，簡單起泡又透氣速乾，有效防止細菌滋生，使用保養簡易方便 ～
 
日本今治天然綿系刷背毛巾 |  $169
 
而家大眾對產品嘅選擇都愈嚟愈嚴謹，買嘢都會留意出產地。尤其疫情期間，購買家居用品都係揀返高質素啲嘅好，起碼用得安全又放心。與其煩惱唔知喺坊間買邊條毛巾好，不妨選擇日本製嘅今治毛巾。