{{ 'fb_in_app_browser_popup.desc' | translate }} {{ 'fb_in_app_browser_popup.copy_link' | translate }}

{{ 'in_app_browser_popup.desc' | translate }}

Gethemall 現有會員首次登入及查詢舊網站訂單教學

「益」您情報

「益」您情報為你帶來GeTheMall最新最優惠資訊！

【聲明】強烈譴責假冒Gethemall Facebook 專頁（齊學明辨真偽精明眼）

Gethemall 開業12年喇，今個月仲好開心有唔同嘅生日月活動，承蒙各位客人嘅照顧同厚愛，實在不勝感激！但近日收到客戶查詢，發現有騙徒冒用我哋名稱同地址，建立假冒Facebook 專頁發佈商品 (́◉◞౪◟◉‵) 騙徒由客人收到款項後並未有交付任何產品，進行詐騙。

現謹嚴正聲明：
1. 本公司過數戶口必定為公司戶口 Gethemall(HK)Ltd.（澳門中銀除外）。
2. 下單必定要透過GTM網站/ Humbrand網站，絕對唔會以 Facebook Inbox 形式下單。
3. 我哋真正 Facebook 專頁有17萬 Followers，假Page 一般僅有幾千至幾萬。

了解更多

打風快閃95折 (23-24/9/2025)

打到嚟喇！打風落雨梗係要留喺屋企唔好周圍走，今次 GeTheMall 一於嚟個全網額外 95折快閃優惠 💥 係額外無條件再減

而家開緊嘅團全部照價 95折，絕無收埋啲貨唔畀大家買㗎 😆 超過一千團任揀

限時36個鐘！9月23號中午12點至24號晚12點喺網站落單買嘢，輸入優惠代碼 “RAGASA” 即享全網 5% OFF啊（不包括網站代購訂單）

買開嘅朋友都知我哋係好少出呢啲優惠 🛒 記住把握機會喇 📦

循例上都要講一講有咩規則 📍


只限9月23號中午12時至9月24號晚上12時使用｜唔可以同其他優惠代碼或會員折扣同時使用｜唔包括網站代購訂單｜落單時必須輸入優惠碼，恕不設追加後補｜優惠期內可以無限次使用｜Gethemall 保留最終決定權

【外遊專題】整裝待發！旅遊實用好物推薦

返工嘅寄托就係離開唔返工，但唔返工就離開唔到返工 (´;ω;`)
就算未買機票，都已經喺前往買機票嘅路上，而家開始睇定景點執定行李就差唔多啦！
但太耐冇出埠就嚟連要帶咩都唔記得了，今次我哋先行同大家推薦返有咩旅遊必備嘅實用好物，方便大家可以真正安心出行～

了解更多

【開箱】台灣Lasty環保食物包第二代

近年環保議題越嚟越被關注，想加入無痕飲食，為環境盡一份力(๑•̀ㅂ•́)و✧
但市面上嘅環保餐盒好似都唔係咁啱外賣，成日搞到店家手忙腳亂咁，
有冇一個「自己鍾意用、店家方便用」嘅環保入門款餐盒呢？

為大家介紹返Lasty環保食物包第二代！

了解更多

GeTheMall 13週年

唔經唔覺又到6月- GeTheMall 13周年喇🎂

一路走來已經13年，人都由剛剛畢業變到肥胖中坑🥲 不過真係好多謝大家一直以來嘅支持，我哋今日仲可以生存真係因為有大家嘅愛戴先做到，所以今年我哋都會繼續有一連串慶祝活動答謝大家🙇🏻‍♂️

1. 6月限定消費獎勵🎮
喺6月期間網上累積消費金額（不包括網站代購訂單）最高嘅頭130名客戶都有獎，頭獎有新鮮出爐嘅Switch 2，另外仲有Air Pods 同Gregory 等等獎品🎁

2. 周年特價專區
4-12/6 同 14-22/6 期間會有特選貨品以$13/$130 特價發售，全部都係破底價勁抵玩！
數量有限，售完即止

3. 買滿$600 送水樽🥤
6月期間只要買滿$600 就送一個GeTheMall 便攜水樽，摺得埋但打開有成600ml，方便大家平時拎出街💦 數量有限，送完即止

4. 全網9折🛒
每年指定動作😎喺6月3、13同23日只要輸入有效Promotion Code，全網都會有9折優惠 （網站代購訂單除外）

事不宜遲，快啲Mark 實日子準備掃貨喇📆

【益知識】日本卡其色 你又識唔識

世間上嘅顏色千奇百樣，單係女孩子們嘅脣膏顏色，豆沙色、奶茶色、乾燥玫瑰色、莓果色…… 莫講係冇用開嘅男士，就連小編有時都分到頭都暈埋。今日我地唔傾化妝品 將難度降低，但居然都有一款顏色同樣地考起到大家！

了解更多

GeTheMall 網上開倉

上年12月我哋響南豐紗廠開倉，唔少朋友都話就唔到時間去唔到🫣 有見及此我哋就將開倉搬到網上，等上次冇去到嘅朋友都買到😎

新網站網上開倉🎉 4月25至27號一連三日～極大量貨品以成本價甚至係蝕本價發售 🤑 同實體開倉一樣有每日限時限定貨品，亦有唔同種類嘅貨品以超優惠價發售，而且仲做返同開倉一樣嘅優惠，買一件就有9折，買兩件以上就8折🈹 實行一件不留！

留意開倉優惠只做三日🛒限時快搶更加最短只係做4個鐘⏱️ 快啲入Apps 或者我哋開倉專頁鎖定目標喇🎯

【益知識】日本製今治毛巾

日本製嘅貨品一向都備受推崇，見到 made in japan 自然感覺安心又放心。因為日本人對自身職能同出品都有一種執著同堅持，所以先有良好嘅信譽同口碑。
今治毛巾都唔例外，呢個品牌就連日本人都非常推薦！

了解更多

買滿$200 即送Sir年利是封

如果2024年係 Year of Loong 嘅話
咁2025年就當然係 Year of Sir 啦～
 
由1月1號起，只要喺我哋網站買滿$200，就可以免費獲贈我哋精心設計嘅利是封一包   設計好靚，香港人先明㗎  
預祝大家蛇年進步，身體健康，活到老學到老  
 
 派發安排 
利是封由1月16號起喺旺角門市派發，即使訂單未到貨都可以上嚟拎   每張訂單限送一包
揀咗多寶同順豐寄貨嘅朋友，利是封會放埋喺一月中下旬寄出嘅包裹入面，但我哋唔確保一定會有   如果大家好想要嘅話，都可以喺16號之後直接上旺角門市攞，出示訂單紀錄就 ok
最後都補返句，利是封數量有限，送完即止，有啲咩安排不周敬請原諒～
希望新一年，大家和氣生財，蛇來運到  
 

【品牌私心推】HOKA ONE ONE

近來唔知係咪工業風吹得太應，不少走在潮流尖端嘅男女老少都興起著HOKA。

小編對HOKA ONE ONE 嘅認識就係佢厚厚嘅鞋底，同埋睇落大大舊嘅扎實外型，工裝風嘅感覺向來俾人覺得樸實低調，但HOKA 體積嘅存在感令你唔能夠忽視佢，勢估唔到 佢都有成為時尚寵兒嘅一日 (((ﾟдﾟ))

了解更多

【品牌私心推】Mark Gonzales

大家第一眼見到呢個圖案會覺得係咩呢，陀螺？四葉草？親切嘅手指公？識飛嘅香蕉？

實不相瞞，其實佢係天使，由Mark Gonzales創作嘅天使。

了解更多

【開箱】實測！直髮夾大比拼

有時覺得啲頭髮好似雜草，梳極都梳唔直？

作為一個鍾意打扮嘅女性，除咗化妝之外，仲要識得打理好一把頭髮。直髮夾可以話係每個女仔嘅必需品，但一個直髮夾嘅價錢都唔平㗎，而且市面上款式眾多，初次選購應該點揀好？今次我哋搵咗amika, ghd, Salonia三隻牌子嘅直髮夾進行實測同比拼，希望大家都揀到最適合自己嘅直髮夾。

了解更多

【實測】Tide To Go除污筆

唔知你信唔信呢個世界係有個定律，
唔知點解總係喺着新衫／淺色衫食嘢個陣，都唔知點解一定會整污糟。
望住撻污漬，嗰種無奈同唏噓……
與其晒心機每次都小心翼翼，不如嚟個兩手準備！

了解更多

【開箱】50惠養潤育髮精華素

三千煩惱絲，雖然難打理，但都唔希望失去佢哋！
無奈現代人生活作息唔定時、讀書工作壓力大、漂電燙染傷頭髮，生理心理兩面受敵，年輕人中年人都開始有脫髮問題_(´ཀ`」 ∠)_

平時植髮育髮假髮廣告都聽唔少，但覺得去植髮太誇張，又唔想用動L洗頭水，想動作細啲自己試下改善，
為大家同自己介紹返呢款 50惠養潤育髮精華素～

了解更多

【益知識】行山鞋選購小知識

日日戴住個口罩，焗！死！人！啦！！！！！
想搵啲活動釋放下負能量，相信各位親親大自然嘅機會都多咗，
雖然小編自問都唔係行山專家(つд⊂) 不過行山行得多 少不免都有研究下裝備，提升下自己先可以再行更遠的路！
正所謂工欲善其事 必先利其器，今日帶大家一齊睇下行山首當其衝需要嘅鞋 要點揀~

了解更多

【玩樂無窮】《電梯前》搭𨋢都有得玩？

「Elevator Elevator 心越急越煩問題越難拆 Come on」
人生最嘥時間就係等待，日日等唔同嘅嘢，等車等買演唱會飛等搭𨋢
你又邊估到等𨋢都可以成為一個遊戲。
搭𨋢打尖遊戲－電梯前！

了解更多

【品牌私心推】SOU·SOU

經典數字、松樹、五十音歌，呢啲圖案有冇令你覺得好熟悉呢？充滿日本格調，具有四季風情嘅設計，真係非SOU·SOU莫屬喇！

了解更多

【祭典專題】秋意濃濃！霹靂啪啦秋祭！

不知不覺，原來已經踏入咗無得去旅行嘅第二個秋天喇 ( ¯- ω- ¯ )
以往都會諗吓去邊到睇紅葉感受吓秋意，
今年就剩係可以繼續留喺香港感受熱力在四射……
不過與其喺到傷春悲秋，不如諗吓點樣喺香港過一個充實嘅秋天！

了解更多

【開箱】I'M FINE 一次性菲林相機

最近唔少年輕人都興起咗玩菲林相機，想留住美麗光影，
可能係因為而家香港嘅氛圍實在令人喘不過氣，好想重拾昔日嘅感覺啦……
雖然現代想影張相 只需要喺手機㩒個掣就做到，但若果突然興起 想捉緊懷舊復古嘅味道呢？

了解更多

【益知識】GOGOGO！露營必備清單

各位山系男孩女孩請注意！！秋高氣爽就梗係要露營野餐 感受一下在森林和原野是多麼的逍遙～
孭起個大背囊準備gogogoヽ( ° ▽°)ノ 但新手們想體驗露營嘅話 其實到底要準備啲咩呢？
一向上山下海嘅小編都算係有少少心得，一於同大家分享下啦！

了解更多

【祭典專題】集合吧！冚唪唥蛋控！

有無發現近年來越嚟越多乜乜關注組／乜乜協會呢？
夠出名嘅有香港人熟知嘅香港燒賣關注組，佢哋facebook專頁多達十萬人follow。
而我哋發現仲有個香港蛋控協會嘅存在(ง๑ •̀_•́)ง

身為蛋控嘅一份子，決定將雞蛋發揚光大，介紹一啲有趣嘅雞蛋煮食小工具俾大家！！

了解更多

【實測】台灣DEEPURE淨森林環保洗碗粉

唔講唔知，原來香港越來越多人用洗碗機，與其日嘈夜嘈喺到嘈邊個洗碗好，直接交俾部機器就唔使煩啦！又可以避免洗得碗多會有主婦手，洗碗機又比手洗碗消滅到更多嘅細菌。然後大家可能又要擔心，其實市面上嘅洗碗粉係咪真係可以安全使用呢？

了解更多

【祭典專題】好熱好熱！冰拎唪唥夏祭！

而家嘅夏天越嚟越熱，又成日睇新聞睇到心火盛，唔食翻啲涼爽嘢，點對得住自己啊ヾ(●゜▽゜●) 為咗幫大家降下火，我哋又實測咗啲有趣小工具，準備介紹俾大家！

了解更多

【開箱】NANACOSTAR Hand Cream

踏入10月尾，今年終於開始有啲涼意 入秋啦(੭ ᐕ)੭
雖然香港仍然正常發揮 保持中午著短袖都係會出汗嘅溫度，但其實你嘅皮膚已經率先感受到秋冬嘅到來，因為佢漸漸開始乾燥甩皮了！！！
除咗保濕面霜同潤唇膏，hand cream都係不可缺少嘅秋冬好物。揀選hand cream 呢類消耗物不如嚟個新嘗試，試下NANACOSTAR呢個日本牌子啦～

了解更多

家居清潔篇：物品收納與管渠清潔

Tidy Home, Tidy Mind
有心理學家指出，保持家居清潔係可以緩和負面情緒同減低壓力。
懶惰嘅小編就唔會經常執屋喇，不過偶爾執拾房間嘅時候，通常都會搵返好多唔見咗嘅嘢。
原本凌亂不堪嘅房間變到井井有條，真係會有一種好舒暢嘅感覺㗎！

了解更多

【戰前攻略】Thanksgiving！Black Friday 購物清單 2022

作為網購公司，感恩節 Thanksgiving 絕對係需要重點留意嘅日子⁽⁽٩(๑˃̶͈̀ ᗨ ˂̶͈́)۶⁾⁾但其實除咗我哋要留意之外，大家都可以一齊享受野生捕獲嘅樂趣，發掘自己嘅心水！

了解更多

【新年專題】2023月曆推薦（附消防員ig私心推）

飛都冇咁快 就快嚟到2022嘅尾聲，又係時候準備定下年要陪伴你整整一年嘅月曆日曆！
唔想用保險同蛇齋餅粽聯送嘅月曆，Gethemall精選咗唔同款式，一齊嚟睇下啱唔啱大家口味٩(｡・ω・｡)و

了解更多

【品牌私心推】見字飲水：THERMOS保溫杯

香港人生活忙碌又成日頻頻撲撲，有時真係連飲啖水嘅時間都冇。「見字飲水」都成為咗香港近年最新嘅潮語，源於一位網民喺FACEBOOK開咗個「見字飲水協會」嘅專頁，製作大量meme圖嚟提醒大家補充水分，就咁樣成為咗一句好hit嘅潮語。

了解更多

【玩樂無窮】《請上車》超爽快路徑規劃紙筆遊戲！

我眼睛想旅行！但肉體仲要工作未旅行到住(´;ω;`)
咁唯有忙裏偷閒，玩住呢款Board Game先啦，請上車！！

了解更多

【新年專題】2022 熱賣產品回顧

2023年飛咁快又嚟到就嚟第三個月，而家回顧返2022年一啲都唔遲呀可(*´艸`*)
過去嘅呢年Gethemall都推出咗好多大大小小、五花百門嘅貨品，到底邊啲item最受大家嘅青睞、最熱賣呢？排名不分先後，一齊嚟回顧返喇GOGO٩(｡・ω・｡)و

了解更多

【開箱】MOGICS Super Bagel 旅行插蘇

呀……唔制呀！唔制呀！唔制呀！我都未去旅行（拍檯）架機未走呀？！點解佢哋唔批假……（卧在地上打滾）
隨著各地旅遊政策放寬，大家都逐漸浮起返去旅行嘅心，推薦返三年冇見嘅旅行神器MOGICS Super Bagel！

了解更多

【一年一度】2023 年度開倉回顧

時隔一年半，2023 GETHEMALL 開倉於今星期初完滿結束，今年開倉我哋繼續轉戰地舖，於旺角中心G3號舖 一連三日17-19/3星期五六日，將所有倉裏面滄海遺珠 各式各樣嘅貨品有的沒的，以低至成本價甚至蝕本價呈現畀大家٩(｡・ω・｡)و

了解更多

【優惠】用Tap & Go 拍住賞埋單即享95折小教學！

又有$5000消費券喇！雖然要等到4月16號先有 唧牙膏咁收但好過冇嘅，呢刻已經心郁郁好多嘢想買 ◑▂◐ 但唔等到咪好似好唔抵咁
今次 Gethemall 同 Tap & Go 拍住賞合作，為大家帶嚟95折優惠，喺3月24號至4月24號期間 只要係定價嘅貨品，輸入 promo code 「TAPNGO」同用Tap & Go畀錢就可以使用優惠，而且不限金額，畀個藉口大家買嘢啦(≖ᴗ≖๑)

了解更多

【玩樂無窮】《海底探險》攬炒系Board Game

好窮好窮 窮到燶了(›´ω`‹ ) 當你窮到極嘅時候你會做得出啲咩…
一班海底探險家因為太窮而選擇冒險去深海尋寶，但實在太窮了唯有一齊租一架潛艇、共用氧氣筒。一個不慎 喺氧氣消耗完之前返唔切潛水艇就會得不償失，究竟探險家們可唔可以平安將寶藏帶返屋企呢？

了解更多

【玩樂無窮】《恐龍電車》益智版麻雀Board Game

就嚟步入春夏，好想捉緊乾爽天氣嘅尾巴 同朋友去野餐！但出到去唔知玩咩好(›´ω`‹ ) 咁就可以留意下呢款細細盒嘅Board Game 《恐龍電車》喇！

了解更多

【美妝推薦】@cosme 2023上半年美妝大賞 港日台整合！

2023年度@cosme美妝大賞 上半年新秀賞喺上個月出爐啦，香港、日本、台灣都有唔同結果，邊啲產品可以脫穎而出，又有邊啲產品有潛力笑到最尾呢？ψ(｀∇´)ψ

了解更多

【開箱】日本 Rhythm Silky Wind Mobile 3.1 便攜風扇

不論係香港嘅颱風前夕、定旅遊異地嘅毒辣夏天，天時暑熱個人都要溶了_(:3 ⌒ﾞ)_
人在戶外一定要有把實用嘅風扇仔，咁可以試下我哋依個夏天開團嘅 Rhythm Silky Wind Mobile 3.1 ！ 日本超人氣熱賣成日賣到斷貨，我哋終於搵到貨源可以開團喇～
小編都忍唔住自費買咗一把LIGHT BLUE，一齊開箱睇睇~

了解更多

【感謝支持】有讚有彈意見問卷 有問有答！

正所謂吾日三省吾身，Gethemall好想變得更好，想去進步，想去改善＼＼\\٩( ‘ω’ )و //／／
早排就發起咗「有讚有彈有獎問卷」，你做問卷 我送coupon，希望聽到你哋每一位意見，最後活動收到過千份嘅回覆，真係非常感謝大家踴躍參與同支持！
收到大家嘅意見當然都要回覆返疑惑，講下之後嘅跟進٩(๑•̀ω•́๑)۶

了解更多

【分享】傷健共融 企業參觀活動

GETHEMALL 除咗落力為大家搜羅各式好物去代購，對於社會服務同責任都同樣重視！

近年關於傷健共融嘅議題越來越受到關注，GETHEMALL當然都坐言起行٩(｡・ω・｡)و 我哋非常榮幸地喺九月同一間視障學校合作，舉辨咗今次企業參觀活動，活動會係由同事向視障學校同學們進行唔同倉務工作項目嘅介紹，以及親手體驗其中嘅工作，增進對倉務運作嘅了解，推動共融。一齊嚟睇下今次活動同花絮～

了解更多

【小整合】管制即棄塑膠懶人包 環保餐具替代推薦

第一階段管制即棄膠塑膠喺4月22號實施，雖然有6個月過渡期，但好多間餐廳食肆嘅外賣已經唔再提供膠製餐具，改為紙製或木製餐具(๑´ㅂ`๑) 雖則大家日常中已經經歷緊，但都全面咁認識一次到底有邊啲係唔畀再用先！

了解更多

【優惠】PayMe X GTM 折扣優惠劵滿 $1000 即減 $120／滿 $200 即減 $20

GeTheMall 今年12歲喇✧◝(⁰▿⁰)◜✧過去嘅六月係 GeTheMall 嘅生日月，我哋準備咗一浪接一浪嘅優惠同活動畀大家！嚟到六月尾唔想畀佢停，繼續12周年優惠(ゝ∀･)b

今次 Gethemall 再度同 PayMe 合作，為大家帶嚟買滿 $1000 即減 $120／滿 $200 即減 $20優惠，喺2024年6月24號至7月31號／7月1號至8月7號期間，只要登入 PayMe 搶到我哋嘅優惠券後再畀錢，就可以使用優惠，而且任何商品都適用，畀個藉口大家買嘢啦(≖ᴗ≖๑)

了解更多